Actualitats
Incursion militara turca en Siria per repatriar la tomba de Süleyman Şah e los soldats que la susvelhavan
De soldats d’elèit an recuperat lo còrs del grandpaire del fondador de l’Empèri Otoman, que repausava en una enclava turca dins lo territòri sirian
Sens cap de preavís, l’armada turca menèt dimenge de matin una incursion en territòri sirian per repatriar un quarantenat de soldats turcs que susvelhavan la tomba de Süleyman Şah, lo grandpaire del fondador de l’Empèri Otoman. De centenats de soldats d’elèit, acompanhats d’un centenat de veïculs militars e de tancs, avancèron fins al mausolèu, que dempuèi 1921 fa partida de l’estat turc en seguida d'un tractat internacional. Dempuèi, lo sit èra susvelhat per de soldats turcs e s’òrna de la bandièra turca.
Segon las autoritats turcas, l’operacion se menèt a tèrme sens cap d’afrontament armat amb cap de faccion de las que luchan en Siria, e mai s’un soldat moriguèt a causa d’un accident.
Dempuèi que comencèt la guèrra en Siria, fa quatre ans, Turquia a avertit que protegiriá aquela enclava territoriala de qualques mètres cairats dins lo nòrd de l’estat sirian, amb los soldats que la susvelhan. Ara que l'Estat Islamic menaça l'endrech, l'estat turc a repatriat las relíquias de Süleyman Şah e a destruch lo mausolèu.
Segon las autoritats turcas, l’operacion se menèt a tèrme sens cap d’afrontament armat amb cap de faccion de las que luchan en Siria, e mai s’un soldat moriguèt a causa d’un accident.
Dempuèi que comencèt la guèrra en Siria, fa quatre ans, Turquia a avertit que protegiriá aquela enclava territoriala de qualques mètres cairats dins lo nòrd de l’estat sirian, amb los soldats que la susvelhan. Ara que l'Estat Islamic menaça l'endrech, l'estat turc a repatriat las relíquias de Süleyman Şah e a destruch lo mausolèu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una escasença de parlar dels Turkmens de siria.
DE qual son aqueles turkmens de siria, degun sembla los coneisser ?
D’apèi Huseyin Rasit Yilmaz del centre politic de recerca de turquia, plan coneigut de per sas estudis del mond turcòfon diguèc que devèrs tres milhons de turkmens vivian en Siria.
Nombroses son los qu’an doblidat lor lenga turca, seguit a las campanhas d’assimilacion del regim Baas, pr’aquò an pas renonciat a lor identitat tukmen.
Los turkmens comenceron de formar de grop armats quora lo regim d’Assad a comenèc de los secotir
(lenga turca enebida, enebidas las tradicions turcas eca..).
Se solament un boncin de l’ajuda internacionala per Kôbané avia estada distribuida als turkmens plan segur que ISID auria pas tant enantit e se saria pas tant espandit.
Los turkmens de Siria an botat en plaça una assemblada turkmen albergada en Turquia e una de lor declaracion prumièra fuguèc de díser que desempuèi las annadas 2011 eran secotits de per lo regim d’Assad e tanplan per ISID.
Las causas semblan revertar çò que se passa amb los turkmen d’irak, en despièch d’aver escrit mantun còp a l secretari general de l’ONU.
La realitat es que tot l’internacional vòl subretot pas vèire totas aquelas populacions turcas dins Siria, Irak, Iran, Afghanistan eca..) que son estatjants d'aqueles airals de còps plan abans la debuta de l'emperi Otoman...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari