La Comunitat de Comunas del Causse e del Valon de Marcilhac an publicat sul sieu sit web una vidèo en occitan sus la tria selectiva de las escobilhas.
Los escolans del CP bilingue de l'escòla publica Jean-Auzel de Marcilhac an rodat un clip vidèo sul tèma de la tria selectiva de las escobilhas. Los dialògs son en occitan e an fach lo guidon amb l'ajuda del sieu professor Olivier Dalhut.
Lo filmet met en scèna doas equipas de basket. A cada jogaire li cal provar de marcar de ponches en depausant las escobilhas dins lo panièr jaune o negre segon la circonstància.
Dalhut remembra qu'al delà del costat ludic de l'activitat cal pas desmembrar tot lo trabalh pedagogic realizat a l'entorn de la tria selectiva e sus l'emplec d'un vocabulari occitan pas gaire abitual.
La tria es una question de bon sens. Sufís pas que de botar las bonas escobilhas al bon endrech. Çò que getam dins lo sac jaune son los embalatges reciclables en plastic, en metal, en carton e papièr. Dins lo sacon negre, las escobilhas non reciclablas, lordejadas o amb de rèstas de mangiscla.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Osca ais pichons e au professor ! Flame trabalh ! Aquo dona de vam per l'avenidor.
haha son pla braves aqueles mainatges...!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari