Après una accion de fòrça per d’activistas bretons, la direccion departamentala de La Poste a Kemper (Bretanha) s’es engatjada a far aqueste estiu un recensament dels emplegats que parlan breton per que los clients ajan lo drech d’èsser informats en la lor lenga.
Ièr dimècres, de membres d’Ai’ta, associacion que promòu l’oficialitat del breton, bloquèron la direccion departamentala de La Poste a Kemper, per capitar, fin finala, de s’amassar amb la direccion de l’entrepresa.
Après l’amassada, lo militant breton Dewi Siberil n’explicava lo contengut al jornal 7Seizh, amb qui Jornalet a un acòrdi de cooperacion.
Dins l’amassada, los representants d’Ai’ta an demandat la preséncia de la lenga a l’oral e a l’escrich e lo drech dels clients de parlar breton als emplegats de La Poste.
Lo director a argumentat que tot çò que concernís a La Poste se decidís a París, e que demandarà a la capitala francesa de que se pòt far.
Ça que la, lo director s’es engatjat a far un recensament pendent l’estiu dels emplegats que parlen breton dins los departaments de Finistèrra e Mor-Bihan, per poder balhar al public la possibilitat d’èsser informats en aquela lenga. E a promés tanben que s’informarà los clients dels portanèls on pòdon far las lors gestions en breton.
De representants d’Ai’ta e de La Poste se tornaràn amassar en setembre. Del resultat d’aquela amassada, los activistas per la lenga bretona decidiràn las accions de prene per capitar d’implantar lo breton dins l’entrepresa, fach que revendican dempuèi maitas annadas.
Après l’amassada, lo militant breton Dewi Siberil n’explicava lo contengut al jornal 7Seizh, amb qui Jornalet a un acòrdi de cooperacion.
Dins l’amassada, los representants d’Ai’ta an demandat la preséncia de la lenga a l’oral e a l’escrich e lo drech dels clients de parlar breton als emplegats de La Poste.
Lo director a argumentat que tot çò que concernís a La Poste se decidís a París, e que demandarà a la capitala francesa de que se pòt far.
Ça que la, lo director s’es engatjat a far un recensament pendent l’estiu dels emplegats que parlen breton dins los departaments de Finistèrra e Mor-Bihan, per poder balhar al public la possibilitat d’èsser informats en aquela lenga. E a promés tanben que s’informarà los clients dels portanèls on pòdon far las lors gestions en breton.
De representants d’Ai’ta e de La Poste se tornaràn amassar en setembre. Del resultat d’aquela amassada, los activistas per la lenga bretona decidiràn las accions de prene per capitar d’implantar lo breton dins l’entrepresa, fach que revendican dempuèi maitas annadas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Hèra plan. Ua luenga regionau presenta de manièra oficiau (i non per'mors que quauques uns e coneishen "un emplegat qui parla patoès" dab eths usatgèrs per'mors que'us coneish personaument) qu'ei ua prumèra en França. Toquem hèr entà qu'eths nostes amics bretons e posquen miar era lor desmarcha a tèrmi, que pòt estar un gran pas en er'entrada deras luengas nostes en eths servicis publics. Òsca !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari