Actualitats
L’opausant de Putin, Boris Nemtzov, fusilhat a Moscòu
Èra un dels politicians mai critics amb la guèrra en Ucraïna
Lo veteran politic Boris Nemtzov, de 55 ans, èx-viceprimièr ministre e dirigent de l’oposicion extraparlamentària russa, foguèt assassinat la nuèch de divendres a Moscòu. Segon las autoritats russas, Nemtzov, qu’anava acompanhat d’una femna, recebèt quatre balas sus l’esquina, qu’avián tirat d’una veitura blanca quand passava pel Grand Pont de Pèira de la capitala russa, près del Cremlin.
Nemtzov, que foguèt lo segond del govèrn rus en 1998 pendent la presidéncia de Boris Ieltzin, èra impulsor de la “marcha de la prima” contra la guèrra en Ucraïna que se debanèt aqueste dimenge, ont l’oposicion exigiguèt al Cremlin l’arrèst de la politica d’ingeréncias al país vesin.
Per Mikhaïl Kasianov, dirigent del Partit Republican de Russia de Nemtzov, l’assassinat es “una represalha per la cèrca de la vertat e de la libertat”.
Lo president rus Vladimir Putin a dich que lo crime “sembla fòrça un assassinat a la demanda, de caractèr provocador”, e a assumit lo contraròtle de l’enquèsta segon çò qu’a raportat lo Cremlin.
Dimenge 1r de març, aguèt luòc dins lo centre de Moscòu una manifestacion en omenatge a Nemtzov. Foguèt una reüssida, que i participèron entre 17 000 personas segon la polícia e 70 000 personas segon los organizaires.
Demest los eslogans, se podiá legir: “Ai pas paur”, “Es mòrt per l’avenir de Russia”, o “Luchèt per una Russia liura”.
Nemtzov, que foguèt lo segond del govèrn rus en 1998 pendent la presidéncia de Boris Ieltzin, èra impulsor de la “marcha de la prima” contra la guèrra en Ucraïna que se debanèt aqueste dimenge, ont l’oposicion exigiguèt al Cremlin l’arrèst de la politica d’ingeréncias al país vesin.
Per Mikhaïl Kasianov, dirigent del Partit Republican de Russia de Nemtzov, l’assassinat es “una represalha per la cèrca de la vertat e de la libertat”.
Lo president rus Vladimir Putin a dich que lo crime “sembla fòrça un assassinat a la demanda, de caractèr provocador”, e a assumit lo contraròtle de l’enquèsta segon çò qu’a raportat lo Cremlin.
Dimenge 1r de març, aguèt luòc dins lo centre de Moscòu una manifestacion en omenatge a Nemtzov. Foguèt una reüssida, que i participèron entre 17 000 personas segon la polícia e 70 000 personas segon los organizaires.
Demest los eslogans, se podiá legir: “Ai pas paur”, “Es mòrt per l’avenir de Russia”, o “Luchèt per una Russia liura”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Mila mercés Dounbos!
Visca la memòria de Boris Nemtzov. Glòria a l'oposicion russa.
#1 Contrarotlaires, vòstra bestiesa es incommensurabla.
Adieu,
O ai vist tot ieu, coma de longa, dempuèi mon observatòri celèste! Es lo govèrn ucraïnian, finançat pel capitalisme occidental diabolic, qu'a mandat un avion caçaire per abatre Boris Nemtsov! Aquí la vertat!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari