Actualitats
Una error umana e de sondas defectuosas causèron l’accident d’un avion d’Air France en 2009
Lo rapòrt final sus l’accident del vòl d’Air France entre Rio de Janeiro e París, ont moriguèron 228 personas lo 1r de julhet de 2009, ditz que foguèt provocat per una error del pilòt e, a l’encòp, per una mancança de las sondas de velocitat, fabricadas per Thales, qu’èran defectuosas.
Es la conclusion dels expèrts del Burèu d’Enquèstas e Analisis (BEA), après que, pendent tres ans, an ensajat d’esclarir las causas de l’accident. Aquel a afrontat los responsables de l’entrepresa aeriana, Air France, e los fabricants de l’avion, l’occitana Airbus.
L’entrepresa tolosana a ja dich que prendrà totas las mesuras que fan besonh per melhorar la seguretat aeriana e refortir la resisténcia dels aparelhs restacats a l’accident.
L’avion tombèt sus las aigas de l’Ocean Atlantic, a l’entorn de quatre oras après lo sieu enlairament.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari