Edwige Moquay e Jacques Yény son dos artistas occitans que trabalhan amassa lo projècte Eydia, lo rescontre d’una artista plasticiana e d’un tecnician de l’imatge. Trabalhan lo còrs en movement en n’explorar los jòcs d’ombra e de lutz, la mesa en scèna de formas, de lengas e de colors... la recèrca de plans, de rescontres e de dialògs.
 
Aquela union dels dos artistas se manifèsta amb diferentas tecnicas: pintura, dessenh, calligrafia, fòto, utilizacion de decòrs originals especialament creats, esclairatges particulars. La restitucion se fa amb l’ajuda de tiratges realizats sus diferents supòrts e amb de procediments causits en foncion de l’efièch desirat.
 
Exprimisson la beutat en ne cercar l’armonia, la doçor e la sensualitat... e en descobrissent totjorn de novèls supòrts e de novèlas proceduras.

 
 

---

Vesitatz-ne lo sit web
Jonhètz Eydia sus Facebook