Una petita entrepresa picarda a creat una pellicula amb las meteissas proprietats bactericidas que lo coire, mas fòrça mens cara. Son eficacitat l’an assajada a Montpelhièr.
 
Lo servici cirurgic e ortopedic de la policlinica Sant Ròc, ont la lucha contra las malautiás nosocomialas es un enjòc crucial, a esquipat tres cambras d’objèctes cobèrts de la nòva pellicula nomenada Metalskin (exactament MetalSkin). La comparason amb tres autras cambras a mes en evidéncia una “diminucion importanta dels bactèris implicats dins las infeccions nosocomialas”, segòn çò que diguèt a Le Figaro lo professor Jean-Pierre Daurès de l’Universitat de Montpelhièr.
 
Lo Metalskin permetrà, doncas, de recobrir qualques ponches estrategics del mobilièr, fòrça tocats pels sonhants e pels malauts coma las ponhadas de pòrta, las rampas o los grifons... tant dins los espitals coma dins los ostals de retirada.