Amb lo pretèxte de la victòria de la seleccion espanhòla a l’Èuro 2012, la copa europèa de fotbòl, s’es començat de distribuir, amb fòrça succès, una aplicacion d’Android amb de simbòls franquistas: lo drapèl de la dictatura ont s’i pòt legir “una, grande y libre” e l’imne franquista.

 L’aplicacion se sona “Himno de la Roja, Arriba España” (Imne de la Roja, Visca Espanha) e es estada desvolopada per un usatgièr apelat Designs Android Inc. La descripcion de l’aplicacion es: “Aplicacion Fanatica de la Roja, mas amb l’imne d’Espanha de l’epòca franquista. Imne nacional de José María Pemán ‘Marcha Real’.”
 
L’aplicacion se pòt descargar gratuitament sus Google Play, ont dison qu’a agut entre 10 000 e 50 000 descargaments e qu’es estada avalorada amb 4,3 ponches sus 5 pels usatgièrs, amb 264 vòtes de cinc estelas (la nòta maximala) dels 340 que se son faches.
 
Sus aquela pagina i a lo formulari per denonciar las aplicacions inadeqüatas.
 
En seguida de la victòria d’Espanha a l’Èuro 2012, i a agut un fum d’exibicions de simbòls franquistas, de manifestacions de xenofobia e d’anticatalanisme. Quitament d’agressions. Tot aquò es estat tolerat.