Actualitats
Los salaris de las femnas son inferiors als dels òmes
Lo 60% dels diplomats academics son de femnas mas solament lo 25% d’elas son als conselhs de las entrepresas e, en mai d’aquò, son desavantatjadas en las sciéncias e tecnologias
Los salaris de las femnas en Occitània son inferiors als dels òmes. Segon un rapòrt que l’a publicat l’Eurostat, las femnas an recebut en 2013 una mejana d’un 15,2% de mens dins l’estat francés, d’un 19,3% de mens dins l’estat espanhòl e d’un 7,3% de mens dins l’estat italian. Lo rapòrt presenta pas las donadas de Mónegue.
A respècte de tota l’Union Europèa, los salaris de las femnas son d’un 16,4% inferiors als dels òmes per ora trabalhada. Poiriam dire qu’aquela diferéncia se redutz modèstament se prenèm en compte qu’en 2008 la diferéncia èra d’un 17,3%.
La diferéncia salariala entre sèxes supèra lo 20% en Estònia (29,9%), Àustria (23%), Chequia (22,1%) e Alemanha (21,6%). Demièg los estats amb mai d’egalitat salariala de l’Union Europèa, i a Eslovènia (3,2%), Malta (5,1%), Polonha (6,4%) e Itàlia (7,3%). L’aument de la diferéncia salariala entre 2008 e 2013 a crescut notablament en Espanha (+3,2 ponches), Portugal (+3,8 ponches), Letònia (+2,6 ponches), Itàlia (+2,4 ponches) e Estònia (+2,3 ponches).
Malgrat la distància salariala, lo rapòrt mòstra que las femnas an un nivèl d’estudis mai naut que los òmes. Cal soslinhar que lo 60% dels diplomats academics son de femnas. Per contra, lo rapòrt met en evidéncia que las femnas son fòrça mens representadas en los sectors de las sciéncias, la tecnologia, l’engenhariá e las matematicas. Tanben i a d’inegalitat dins los afars, ont solament lo 25% de las femnas son representantas als conselhs de societats, e per contra son gaireben la mitat de la man d’òbra (46%).
Declaracion del Parlament de Catalonha per l'egalitat de salaris entre òmes e femnas
A respècte de tota l’Union Europèa, los salaris de las femnas son d’un 16,4% inferiors als dels òmes per ora trabalhada. Poiriam dire qu’aquela diferéncia se redutz modèstament se prenèm en compte qu’en 2008 la diferéncia èra d’un 17,3%.
La diferéncia salariala entre sèxes supèra lo 20% en Estònia (29,9%), Àustria (23%), Chequia (22,1%) e Alemanha (21,6%). Demièg los estats amb mai d’egalitat salariala de l’Union Europèa, i a Eslovènia (3,2%), Malta (5,1%), Polonha (6,4%) e Itàlia (7,3%). L’aument de la diferéncia salariala entre 2008 e 2013 a crescut notablament en Espanha (+3,2 ponches), Portugal (+3,8 ponches), Letònia (+2,6 ponches), Itàlia (+2,4 ponches) e Estònia (+2,3 ponches).
Malgrat la distància salariala, lo rapòrt mòstra que las femnas an un nivèl d’estudis mai naut que los òmes. Cal soslinhar que lo 60% dels diplomats academics son de femnas. Per contra, lo rapòrt met en evidéncia que las femnas son fòrça mens representadas en los sectors de las sciéncias, la tecnologia, l’engenhariá e las matematicas. Tanben i a d’inegalitat dins los afars, ont solament lo 25% de las femnas son representantas als conselhs de societats, e per contra son gaireben la mitat de la man d’òbra (46%).
Declaracion del Parlament de Catalonha per l'egalitat de salaris entre òmes e femnas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 «Per contra, lo rapòrt met en evidéncia que las femnas son fòrça mens representadas en los sectors de las sciéncias, la tecnologia, l’engenhariá e las matematicas.» >> se m'avètz plan legida, vos que portatz tant ben lo vòstre chafre, veiretz que disi pas res de mai : las differéincias s'explican per la causida de via professionala, o d'autres factors…
Disi tanben que per lo meteis trabalh i a pas tant, o pas gaire de differéncia. L'article ditz pas lo contrari.
Quicòm mai ?
la Lutz Averós se diu congostar d'ic legir...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari