Actualitats
Marselha: la fusilhada de la Castelana seriá una lucha de clans rivals pel trafec de dròga
La polícia scientifica revèla una seguida de detalhs sus l’enquèsta de la fusilhada que se debanèt ta tres setmanas a la ciutat dels Quarièrs Nòrd
An fach publics mai de detalhs suls còps de fuòc que se debanèron fa tres setmanas a Marselha, dins la ciutat de la Castelana, dins los Quartièrs Nòrd, quand Manuel Valls vesitava la Ciutat Focèa. Lo procuraire de la republica Brice Robin es revengut sus l’afar: se tracta d’una batalha entre doas bandas rivalas per un ponch de revenda de dròga, çò rapòrta Libération. “Semblariá que foguessiam dins una lucha de clans entre la còla de la tor K, qu’an lo mercat pus chucós de la ciutat, e aquelei de la Jogarèla, enaut dins la ciutat”, çò diguèt Robin, que quitament afirmèt: “la polícia a mes fin a aquel avantcombat —s’ausi dire— eventuau, doncas a pas agut luòc”.
Sèt òmes d’entre 21 e 34 ans e una femna de 18 ans
Lo director interregional de la polícia judiciària, Fabrice Gardon, a revelat de detalhs fòrça precises, extraches d’una seguida d’analisis biologicas menadas a tèrme per la polícia scientifica. S’agiriá d’un comando ben organizat de uèch personas: sèt òmes d’entre 21 e 34 ans e una femna de 18 ans. Demièg aquel mond i auriá cinc albaneses, qu’un d’eles seriá de Kosova. Serián estats recrutats en Alemanha per un intermediari, e arribats a Marselha quatre jorns abans la fusilhada. Aurián crompat las cagolas dos jorns abans dins un grand magazin d’espòrt.
S’interpelèt un vintenat de personas, se’n detenguèt uèch e tres son en gàrdia a vista a l’ora d’ara. L’enquèsta es pas acabada e encara i a de causas desconegudas de saber.
Guèrra de territòri
Segon Gardon, aquela guèrra de territòri es dirèctament ligada al trabalh de la polícia que destabilizèt “de faiçon importanta” lo trafec de dròga, après que la polícia aguèsse sasit 200 quilos de cannabis e 1,4 milion d’èuros en liquid en junh de 2013. Pasmens, e mai se “lo trafec es fòrça afeblit”, çò ditz Gardon, “subsistís encuei e doncas suscita leis apetís dei malhums concurrents, perque dau fach de la posicion e deis abituds dei clients, es aqueu qu’es lo mai chucós” .
Remembrem que lo 9 de febrièr passat de matin, un grop d’encagolats faguèron una fusilhada en preséncia de la polícia. Segon de testimònis presencials, tirèron amb d’armas automaticas que poirián èsser de Kalashnikovs. Las autoritats confinèron un collègi, evacuèron una gardariá d’enfants e convidèron los aperaquí 7000 abitants del quartièr a restar en cò lor.
Aquel meteis jorn la polícia trobèt dins un apartament de la ciutat sèt Kalashnikovs e de vestits que los aurián portats los membres d’aquel comando. Los ocupants de l’apartament, interpelats dins un primièr temps, foguèron meses fòra causa. Èran estat expulsats manu militari de l’apartament per un grop armat. Tanben trobèron dos fusilhs e 308 municions dels Kalashnikovs dins una veitura pargada e immatriculada falsament.
Sèt òmes d’entre 21 e 34 ans e una femna de 18 ans
Lo director interregional de la polícia judiciària, Fabrice Gardon, a revelat de detalhs fòrça precises, extraches d’una seguida d’analisis biologicas menadas a tèrme per la polícia scientifica. S’agiriá d’un comando ben organizat de uèch personas: sèt òmes d’entre 21 e 34 ans e una femna de 18 ans. Demièg aquel mond i auriá cinc albaneses, qu’un d’eles seriá de Kosova. Serián estats recrutats en Alemanha per un intermediari, e arribats a Marselha quatre jorns abans la fusilhada. Aurián crompat las cagolas dos jorns abans dins un grand magazin d’espòrt.
S’interpelèt un vintenat de personas, se’n detenguèt uèch e tres son en gàrdia a vista a l’ora d’ara. L’enquèsta es pas acabada e encara i a de causas desconegudas de saber.
Guèrra de territòri
Segon Gardon, aquela guèrra de territòri es dirèctament ligada al trabalh de la polícia que destabilizèt “de faiçon importanta” lo trafec de dròga, après que la polícia aguèsse sasit 200 quilos de cannabis e 1,4 milion d’èuros en liquid en junh de 2013. Pasmens, e mai se “lo trafec es fòrça afeblit”, çò ditz Gardon, “subsistís encuei e doncas suscita leis apetís dei malhums concurrents, perque dau fach de la posicion e deis abituds dei clients, es aqueu qu’es lo mai chucós” .
Remembrem que lo 9 de febrièr passat de matin, un grop d’encagolats faguèron una fusilhada en preséncia de la polícia. Segon de testimònis presencials, tirèron amb d’armas automaticas que poirián èsser de Kalashnikovs. Las autoritats confinèron un collègi, evacuèron una gardariá d’enfants e convidèron los aperaquí 7000 abitants del quartièr a restar en cò lor.
Aquel meteis jorn la polícia trobèt dins un apartament de la ciutat sèt Kalashnikovs e de vestits que los aurián portats los membres d’aquel comando. Los ocupants de l’apartament, interpelats dins un primièr temps, foguèron meses fòra causa. Èran estat expulsats manu militari de l’apartament per un grop armat. Tanben trobèron dos fusilhs e 308 municions dels Kalashnikovs dins una veitura pargada e immatriculada falsament.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vegí un video força interessant ont parlavan de l'assassinat de JF Kennedy e deien que hi haguet contactes entre la màfia americana e menbres mafiosos a Marselha, e troberon los tres tiradors que dispararen a Dallas que eren de la màfia corsa. Lo principal d'eles Sartí foguet lo que facet lo tret terrible que tuet lo president, lo mafiós gran filh de puta moriguet a Mèxic D.C.ja fa temps.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari