Aqueste diluns passat, vèrs 7 oras del matin, tuèron per arma de fuòc una drolleta a Barçac, una vilòta rurala a 40 quilomètres de Bordèu, dins la Grava. Segon Sud-Ouest, qualques testimònis que vegèron aquela orror prevenguèron còp sec los gendarmas. Avián vist qu’una jove femna tirava sus de veituras dempuèi lo bòrd de l’estrada nacionala 113, e ensagèron de desarmar la tiraira, que fugiguèt, mas que la polícia la poguèt arrestar. Es plaçada en gàrdia a vista.
 
Qualques oras puèi, France Bleu Gironde entrevistèt lo primièr adjonch de la comuna, que parlava d’un drama familhal. La femna arrestada seriá la maire de la drolleta assassinada.