La vila de Niça, en acòrdi amb los parents de Camille Muffat, a organizat una seguida d’omenatges a l’esportiva occitana e a totas las victimas de l’accident dramatic que se passèt diluns en Argentina pendent lo rodatge de l’emission de telerealitat de TF1 nomenada Dropped.
 
Amb de mots, de lagremas e de candelas, los omenatges a l’esportiva occitana se son debanats pertot. La comuna de Niça installèt un libre de dòl e pengèt un retrach gigant de la nadaira. Se faguèt tanben d’omenatges al sèti de l’Olimpic Niça Natacion, lo club de totjorn de Camille Muffat.
 
Dimars de ser, de centenats de niçards se recampèron vèrs Palhon per far un omenatge fòrça emotiu. La comuna de Niça a fach un vidèo per onorar la paura esportiva occitana.

 
 

L'émouvant hommage de la ville de Nice à...per nice-matin