Actualitats
Presentan la bandièra de Cabilia, un eveniment unic “dins la vida d’una nacion”
La nòva bandièra es fruch d’un procès participatiu impulsat pel govèrn cabil en exili, restacat al Movement per l’Autodeterminacion de Cabilia (MAK). L’eleccion se faguèt en decembre passat entre de desenats de proposicions. L’executiu ditz que la bandièr
“Un eveniment que, gaireben, se passa sonque un còp dins la vida d’una nacion”. Es aital que lo govèrn provisòri cabil en exili —l’Anavad— a definit l’aprobacion de la bandièra de Cabilia, anonciada ièr après un procès participatiu qu’a pres doas annadas. La nòva bandièra inclutz l’aur de las bandièras tradicionalas cabilas e, en roge, lo simbòl mai reconegut internacionalament del pòble amazigh: la letra yaz (ⵣ) en alfabet tifinagh.
Pendent dos ans, l’Anavad a amassat de desenats de proposicions per una bandièra cabila. Aquestes darrièrs ans, los cabils an emplegat la bandièra amazigh coma pròpria, mas l’Anavad considerava que lo pòble cabil aviá de besonh de son drapèl pròpri. L’Anavad “renóncia pas a la bandièra federala dels pòbles amazighs” mas considèra qu’a Cabilia li cal sa pròpria bandièra “per prene sa plaça dins lo concèrt de las nacions”.
L’eleccion finala se faguèt en decembre passat, e segon l’Anavad i participèron “qualques milièrs de personas” que poguèron votar fisicament en Cabilia e en la diaspòra europèa e estatsunidenca, e tanben a travèrs d’Internet. La proposicion elegida recebèt lo 31,70% dels vòtes, seguida per una bandièra fòrça similara a l’amazigh qu’aguèt lo 17,16% dels sostens.
Una comission d’expèrts modifiquèt leugièrament la proposicion ganhanta per l’adaptar als estandards vexillologics.
L’Anavad issarà oficialament la nòva bandièra lo 4 d’abril a París, qu’es alin que se tròba sa sedença.
Estat pròpri, dins o fòra Argeria
L’Anavad, presidit per Ferhat Mehenni, s’autoproclamèt a París en 2010 a partir de l’impuls del Movement per l’Autonomia de Cabilia, qu’a l’ora d’ara es lo Movement per l’Autodeterminacion de Cabilia (MAK). Lo govèrn argerian nega tota legitimitat a aquel executiu en exili. D’autres partits argerians amb una fòrta basa de sosten en Cabilia an pas tanpauc sostengut la proposicion de drapèl.
Lo MAK defend lo drech a l’autodeterminacion de la Cabilia e defend la constitucion d’un estat cabil que se deurà definir “liurament e sobeiranament” de la part dels cabils “per via referendària”. Lo MAK considèra que las doas manièras per o concretizar son un estat autonòm dins Argeria o ben un estat independent.
Segon l’Anavad, dins lo procès constituent del nòu estat cabil, se deuriá ratificar la bandièra presentada ièr, o ben n’elegir una de nòva.
Aquesta nòva es adaptada de Nationalia amb qui Jornalet a un acòrdi de cooperacion.
Pendent dos ans, l’Anavad a amassat de desenats de proposicions per una bandièra cabila. Aquestes darrièrs ans, los cabils an emplegat la bandièra amazigh coma pròpria, mas l’Anavad considerava que lo pòble cabil aviá de besonh de son drapèl pròpri. L’Anavad “renóncia pas a la bandièra federala dels pòbles amazighs” mas considèra qu’a Cabilia li cal sa pròpria bandièra “per prene sa plaça dins lo concèrt de las nacions”.
L’eleccion finala se faguèt en decembre passat, e segon l’Anavad i participèron “qualques milièrs de personas” que poguèron votar fisicament en Cabilia e en la diaspòra europèa e estatsunidenca, e tanben a travèrs d’Internet. La proposicion elegida recebèt lo 31,70% dels vòtes, seguida per una bandièra fòrça similara a l’amazigh qu’aguèt lo 17,16% dels sostens.
Una comission d’expèrts modifiquèt leugièrament la proposicion ganhanta per l’adaptar als estandards vexillologics.
L’Anavad issarà oficialament la nòva bandièra lo 4 d’abril a París, qu’es alin que se tròba sa sedença.
Estat pròpri, dins o fòra Argeria
L’Anavad, presidit per Ferhat Mehenni, s’autoproclamèt a París en 2010 a partir de l’impuls del Movement per l’Autonomia de Cabilia, qu’a l’ora d’ara es lo Movement per l’Autodeterminacion de Cabilia (MAK). Lo govèrn argerian nega tota legitimitat a aquel executiu en exili. D’autres partits argerians amb una fòrta basa de sosten en Cabilia an pas tanpauc sostengut la proposicion de drapèl.
Lo MAK defend lo drech a l’autodeterminacion de la Cabilia e defend la constitucion d’un estat cabil que se deurà definir “liurament e sobeiranament” de la part dels cabils “per via referendària”. Lo MAK considèra que las doas manièras per o concretizar son un estat autonòm dins Argeria o ben un estat independent.
Segon l’Anavad, dins lo procès constituent del nòu estat cabil, se deuriá ratificar la bandièra presentada ièr, o ben n’elegir una de nòva.
Aquesta nòva es adaptada de Nationalia amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari