Una còla de psicològs de l’Universitat de Wisconsin (Estats Units) a estudiat quin efièch aviá la musica suls gats. Segon un article qu’an publicat dins la revista Applied Animal Behavioral Science, lor agrada tanben la musica. Los cercaires an fach escotar un cinquantenat de cançons a un grop de gats e an descobèrt que preferissián d’aires compausats a bèl exprèssi per eles, amb d’efièches calmants e terapeutics.
 
Sul sit web d’un dels cercaires de la còla, David Teie, i a qualques exemples de musica felina que se pòdon descargar: es compausada en prenent en compte lo reng de frequéncias qu’emplegan los gats per comunicar entre eles (d’una octava mai nauta que l’umana) e los sons mai abituals que los environan.
 
Aquel projècte fa partida d’un estudi mai vast de composicion de musica “per melhorar la vida dels animals en captivitat”.