Actualitats
Vèto de França contra una moneda bèlga de 2 èuros perque commemòra la Batalha de Waterloo
L’estat francés considèra que s’agís d’“un simbolisme negatiu per una fraccion de la populacion europèa”
La Moneda Reiala de Belgica aviá decidit e començat d’estampar una pèça de moneda de 2 èuros commemorativa de la Batalha de Waterloo. D’efièch ongan al mes de junh se celebrarà lo 200n anniversari de la desfacha de l’estat francés menat per l’emperaire Napoleon Ir contra una coalicion armada europèa compausada del Reialme Unit, de Prússia e dels Païses Basses. Aquesta batalha precipitèt lo fracatge del despòta francés.
Pels bèlgas sembla que la Batalha de Waterloo evòque puslèu un sit geografic ont se passèt un moment istoric decisiu pel continent. Aqueste sentiment es pas partejat per la diplomacia francesa que ten a còr qu’una pèça de moneda europèa non pòsca pas rampelar a l’ensemble dels païses europèus l’existéncia de l’imperialisme e del despotisme francés dins l’Euròpa de fa dos sègles. A mens que siá la commemoracion de la desfacha de l’imperialisme francés, valent a dire de la “grandeur”, qu’embarrasse l’estat francés.
Oficialament, la diplomacia francesa a demandat a las autoritats bèlgas que s’arrèste la fabricacion d’aquesta pèça al motiu que: “La circulacion de pèças correntas que pòrtan un simbolisme negatiu per una fraccion de la populacion europèa nos sembla prejudiciabla, dins un contèxte que los govèrns de la Zòna Èuro ensajan de renforçar l’unitat e la cooperacion a l’entorn de la moneda unica”. Aqueste vèto francés es una primièra dins l’istòria de la moneda unica europèa. L’istòria se sovendrà d’aquesta anecdòta coma una volontat de non pas tocar l’imatge de Napoleon que, d’un biais incomprensible, las autoritats francesas contunhan de velhar a sa veneracion.
Los bèlgas, obligats d’escampar las 175 000 pèças ja estampadas, an decidit de fargar de pèças de 3 o 5 èuros que pòdon pas far l’objècte d’un vèto.
Pels bèlgas sembla que la Batalha de Waterloo evòque puslèu un sit geografic ont se passèt un moment istoric decisiu pel continent. Aqueste sentiment es pas partejat per la diplomacia francesa que ten a còr qu’una pèça de moneda europèa non pòsca pas rampelar a l’ensemble dels païses europèus l’existéncia de l’imperialisme e del despotisme francés dins l’Euròpa de fa dos sègles. A mens que siá la commemoracion de la desfacha de l’imperialisme francés, valent a dire de la “grandeur”, qu’embarrasse l’estat francés.
Oficialament, la diplomacia francesa a demandat a las autoritats bèlgas que s’arrèste la fabricacion d’aquesta pèça al motiu que: “La circulacion de pèças correntas que pòrtan un simbolisme negatiu per una fraccion de la populacion europèa nos sembla prejudiciabla, dins un contèxte que los govèrns de la Zòna Èuro ensajan de renforçar l’unitat e la cooperacion a l’entorn de la moneda unica”. Aqueste vèto francés es una primièra dins l’istòria de la moneda unica europèa. L’istòria se sovendrà d’aquesta anecdòta coma una volontat de non pas tocar l’imatge de Napoleon que, d’un biais incomprensible, las autoritats francesas contunhan de velhar a sa veneracion.
Los bèlgas, obligats d’escampar las 175 000 pèças ja estampadas, an decidit de fargar de pèças de 3 o 5 èuros que pòdon pas far l’objècte d’un vèto.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Volgam recordar la memoria del petit emperaire de França, un gran home aquel sant napoleon. Sa grandaria d'anima que portet tants de franceses a ofrenar sas animas a pon pon napoleon, paire de la patria ! paire de totes los franceses que han pas paire quan el moriguet, lo munde plorava a l' illa de Santa magdalena. mai que un paire es heroi, e joana d'arc sa sorra.
Calrà alara fa tombar totes los monuments que celebran la desfacha del tiran en travèrs d'euròpa. Demandarem a Angela Merkel de dinamitar "Die grosse sterne" a Berlin que celebra tanben la desfacha de l'empèri napoleonian d'un biais umiliant.
L'argument emplegat pels franceses es mai efectiu al l'envèrs : "La victòria de Waterloo es un simbòl positiu per l'Euròpa ---- dins un contèxte que los govèrns de la Zòna Èuro ensajan de renforçar l’unitat e la cooperacion a l’entorn de la moneda unica" (parafrasi)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari