Actualitats
Revendican un estatut per Catalonha Nòrd
Es nascut lo collectiu SEM que defend l’especificitat de Catalonha Nòrd, menaçada per la reforma territoriala francesa
Amb lo lèma “Catalonha Nòrd: un territòri, un estatut, una institucion!” es nascut lo collectiu SEM amb la tòca de revendicar un estatut per la Catalonha administrada per l’estat francés. Lo collectiu se presentèt dimenge a Perpinhan dins l’encastre d’un acte de l’Assemblada Nacionala Catalana.
Aquel nòu collectiu catalan cèrca de promòure, dins lo debat public e dins los divèrses estaments culturals, socials, economics e politics de Catalonha Nòrd, la revendicacion d’un estatut particular. “La question per nosautres es d’existir, de nom e de fach”, çò diguèt Francesc Bitlloch a Vilaweb.
La creacion de SEM es lo resultat del chepic existent al país a causa de la reforma territoriala aprovada pel govèrn francés qu’intrarà en vigor en genièr de 2016, que non solament reduirà lo nombre de regions mas que tanben prevei d’eliminar progressivament l’organizacion departamentala.
A l’ora d’ara, Catalonha Nòrd fa partida de la region de Lengadòc-Rosselhon, mas qualque collectiu nòrd-catalan considèra qu’amb la nòva reforma, Catalonha Nòrd perdrà la pauca reconeissença qu’a ara, çò es: que Rosselhon siá pas pus present dins lo nom de la region que ne fa partida.
Una collectivitat territoriala
La còla de SEM considèra que las especificitats de Catalonha Nòrd, tant istoricas, culturalas coma lingüisticas, e tanben la proximitat amb la rèsta de Catalonha, justifican totalament una reconeissença especifica pel país. “Integrar lo territòri dins una nòva macroregion, sens cap de sòrta de gatge per lo desvolopament ni per la reconeissença de las especificitats, significariá una reculada e una pèrda fòrta de la nòstra identitat”, çò explica Bitlloch.
SEM vòl que Catalonha Nòrd siá reconeguda coma un territòri, qu’aja un estatut particular e qu’aja una quita institucion que permeta de lo gerir. Lo collectiu reclama que pòsca èsser una region de la republica per poder obténer de competéncias pròprias qu’influirián, per exemple, en l’ensenhament del catalan, en la cooficialitat amb lo francés o en la gestion financièra correspondenta. Es l’estatut qu’an ja Corsega, Martinica e la Nòva Caledonia, e mai es l’estatut que revendica Alsàcia.
Aquel nòu collectiu catalan cèrca de promòure, dins lo debat public e dins los divèrses estaments culturals, socials, economics e politics de Catalonha Nòrd, la revendicacion d’un estatut particular. “La question per nosautres es d’existir, de nom e de fach”, çò diguèt Francesc Bitlloch a Vilaweb.
La creacion de SEM es lo resultat del chepic existent al país a causa de la reforma territoriala aprovada pel govèrn francés qu’intrarà en vigor en genièr de 2016, que non solament reduirà lo nombre de regions mas que tanben prevei d’eliminar progressivament l’organizacion departamentala.
A l’ora d’ara, Catalonha Nòrd fa partida de la region de Lengadòc-Rosselhon, mas qualque collectiu nòrd-catalan considèra qu’amb la nòva reforma, Catalonha Nòrd perdrà la pauca reconeissença qu’a ara, çò es: que Rosselhon siá pas pus present dins lo nom de la region que ne fa partida.
Una collectivitat territoriala
La còla de SEM considèra que las especificitats de Catalonha Nòrd, tant istoricas, culturalas coma lingüisticas, e tanben la proximitat amb la rèsta de Catalonha, justifican totalament una reconeissença especifica pel país. “Integrar lo territòri dins una nòva macroregion, sens cap de sòrta de gatge per lo desvolopament ni per la reconeissença de las especificitats, significariá una reculada e una pèrda fòrta de la nòstra identitat”, çò explica Bitlloch.
SEM vòl que Catalonha Nòrd siá reconeguda coma un territòri, qu’aja un estatut particular e qu’aja una quita institucion que permeta de lo gerir. Lo collectiu reclama que pòsca èsser una region de la republica per poder obténer de competéncias pròprias qu’influirián, per exemple, en l’ensenhament del catalan, en la cooficialitat amb lo francés o en la gestion financièra correspondenta. Es l’estatut qu’an ja Corsega, Martinica e la Nòva Caledonia, e mai es l’estatut que revendica Alsàcia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per fi, el Rosselló és desperta.
Ànims i endavant.
"El Tàrrega".
Cresi pas que es diga Occitania Centre e Rosselló,encara que tamben es podria dire. Fan molt ben de voler anar per sa region, es a dire sa nacion Catalana.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari