Per lo primièr còp, d'extraches àudio de las negociacions entre Mohamed Merah e los policièrs, pendent las 32 oras del sètge del sieu apartament a Tolosa, foguèron difonduts ièr, dimenge 8 de julhet.

Dins la conversacion, Merah ditz qu'a pas res de pèrdre perque risca 30 ans de reclusion, probable amb 22 ans de seguretat, e coneis plan lo risc d'èsser abatut. Merah fa tanben evidents los sieus ligams amb la Direccion Centrala de l'Informacion de l'Interior (DCRI) e amb Al Qaida.
 
Lo paire de Mohamed Merah, qu'a fach sa denóncia en estimant que los sieu filh foguèt victima d'una execucion pr'amor que riscava de revelar qu'aviá trabalhat pels servicis d'informacion franceses, ditz qu'a d'autres enregistraments, mas son pas estats portats a la justícia.

Lo ministre de l'interior Manuel Valls a plangut la difusion d'aqueles enregistraments "al meteis moment que la justícia es sasida". "Cap de precaucion es estada presa per respectar las familhas de las victimas. Conven doncas de s'interrogar suls mejans que lo difusor a pogut emplegar per aténher aquel enregistrament", çò diguèt.