Actualitats
Artur Mas critica la flaca tradicion democratica d’Espanha dins Libération
Lo jornal francés publiquèt ièr un article del president de la Generalitat de Catalonha sus l’eleccion que se debanarà en setembre que ven
Lo president de la Generalitat de Catalonha, Artur Mas, defend dins un article d’opinion, publicat dins lo jornal francés Libération, qu'es ridicul de “pensar que los catalans vòlgan quilhar de frontièras”. “Al contrari, volèm far partida d’una Euròpa mai fòrta e mai unida, mas amb las meteissas condicions e lo meteis respècte que totes los autres estats europèus”, çò ditz lo president catalan. E mai ramenta que “qualques unes” d’aqueles estats membres “an una populacion, una superfícia o un PIB similar o inferior al de Catalonha”. Artur Mas assegura que lo futur estat catalan “vòl contunhar de far partida de l’UE e que serà un sòci fisable e leial cap a las institucions e los govèrns europèus”.
Dins l’article entitolat “Per una Catalonha liura e europèa”, Artur Mas recòrda que “los catalans son totjorn estats, istoricament, de defensors arderoses de la construccion europèa”. E avertís l’estat espanhòl que “de la meteissa manièra qu’es impossible de metre de barrièras a la mar, tanben es impossible de blocar la democracia”. Lo president catalan explica que la denóncia del govèrn espanhòl e la senténcia del Tribunal Constitucional espanhòl contra la lei de las consultas l’an “obligat de cercar un autre mecanisme”, qu’es lo de “transformar l’eleccion legislativa de setembre que ven en referendum sus l’independéncia”.
Lo president de la Generalitat es d’acòrdi amb “los que pensan que la democracia espanhòla es melhorabla”. Ansin critica que “la flaca tradicion democratica d’Espanha dins los darrièrs sègles contribuís, sens cap de dobte, a la configuracion d’un imaginari ont la separacion dels poders es fragila”.
Dins l’article entitolat “Per una Catalonha liura e europèa”, Artur Mas recòrda que “los catalans son totjorn estats, istoricament, de defensors arderoses de la construccion europèa”. E avertís l’estat espanhòl que “de la meteissa manièra qu’es impossible de metre de barrièras a la mar, tanben es impossible de blocar la democracia”. Lo president catalan explica que la denóncia del govèrn espanhòl e la senténcia del Tribunal Constitucional espanhòl contra la lei de las consultas l’an “obligat de cercar un autre mecanisme”, qu’es lo de “transformar l’eleccion legislativa de setembre que ven en referendum sus l’independéncia”.
Lo president de la Generalitat es d’acòrdi amb “los que pensan que la democracia espanhòla es melhorabla”. Ansin critica que “la flaca tradicion democratica d’Espanha dins los darrièrs sègles contribuís, sens cap de dobte, a la configuracion d’un imaginari ont la separacion dels poders es fragila”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Artur Mas recòrda que “los catalans son totjorn estats, istoricament, de defensors arderoses de la construccion europèa”. Aiçò, en teoria, non pausa pas problèma. Mas totun, ne vesèm arribar un tra que lo mesteis Artur Mas ajusta que “de la meteissa manièra qu’es impossible de metre de barrièras a la mar, tanben es impossible de blocar la democracia”. Es un problèma, estant que justament, la famosa Euròpa es pricisament l'institucion qu'a cap e tot blocadas totas las democracias d'Euròpa. Per exemple, democraticament, un pòble, grèc de lenga, causís en Euròpa una politica non austeritarista e plan mens capitalista que lo demai de l'empèri. E ben, imediatament, lo cap d'estat atal elegit que vòl aplicar lo programa politic que lo pòble a causit en lo causissent el, se tròba interdit d'aplicar aquela politica. La volontat del pòble, l'Union Europèa se vira e i c… dessús. Euròpa capita perfaitament a blocar la democracia. Alavètz, perqué pas lo reialme borbon d'Espanha ?
#1 As justament un article dins liberation que parla d'aqueu subjècte (lei regions ricas que vòlon pas èsser solidàrias dei pauras)
http://www.liberation.fr/economie/2015/03/23/les-regions-riches-ne-veulent-plus-jouer-le-jeu-de-la-solidarite_1226835
Al mens dins Libération, de temps en quora, sortisson de las sansonhas abitualas e aculhisson una opinion diferenta del politicament corrècte. Mentre i a un saumàs de cercaire franchimand que delira (sabi pas pus s'es dins Le Monde o endacòm mai) sus la regions ricas que vòlon pas èsser solidàrias de las pauras. Ges de reflexion sul mesprètz (acarnassit de còps, i a pas que de veire los comentaris pels espanhòls mòrts dins l'atentat de Bardaw: "èron pas que de catalans"...) pel mond que parla una autra lenga que la de l'impèri. Al contrari, torna prene la propaganda del PP, e aquò se ditz cercaire e aquò pòt aver una tribuna dins un media francés.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari