Actualitats
Tragèdia aeriana dels Alps: un “accident inexplicable”
Lo copilòt faguèt descentre l'aparelh volontàriament
A prepaus del tragic accident d’avion que se passèt dimars sul Pueg dels Tres Evescats (Prealps de Dinha), que i moriguèron las 150 personas que i viatjavan, aquesta matinada lo jornal estatsunidenc The New York Times a publicat una informacion basada sus l’enregistrament de la boita negra, çò es qu'un dels dos pilòts del vòl de Germanwings demorèt embarrat en defòra de la gabina mentre que l'avion davalava. Aquel jornal ditz qu’a obtengut l’informacion gràcias a un militar francés qu'a escotat l’enregistrament e que vòl demorar anonim perque l'investigacion es pas acabada. Segon aquela version, un dels dos pilòts de la gabina seriá sortit un moment e après poguèt pas mai intrar. L’enregistrament esclarzís pas perqué un pilòt s’embarrèt dins la gabina tot sol.
Lo copilòt faguèt descentre l'aparelh volontàriament
Segon lo jornal estatsunidenc, dins l’enregistrament de votz de la boita negra se pòt entendre lo segond pilòt, qu’es en defòra de la gabina, que pica la pòrta, que crida de mai en mai fòrt e que quitament ensaja de far tombar la pòrta. Lo procuraire de Marselha, Brice Robin, a confirmat aquelas informacions dins una conferéncia de premsa a 12h30. Robin e a apondut que lo copilòt faguèt descentre l'aparelh volontàriament.
“L'òme qu’es demorat en defòra pica la pòrta, mas i a pas cap de responsa. E pica après amb mai de força, e i a pas cap de responsa. Jamai i aguèt pas cap de reponsa”, çò ditz l'investigator e confirma lo procuraire, en tot apondre que “s’entend que qualqu’un ensaja de far tombar la pòrta”.
Se sap pas encara perqué un dels dos pilots sortiguèt de la gabina, “mas çò qu’es clar, es qu’a la fin, l’autre pilòt rèsta tot sol e dobrís pas la pòrta”.
L’enregistrament de la boita negra, çò comenta The New York Times, explica pas cap d'activitat del copilòt que demorèt tot sol dins la gabina. Robin apond que fins al moment de l'impacte se pòt entrendre la respiracion del copilòt, e doncas, qu'èra viu.
Un “accident inexplicable”
De son costat, lo jornal catalan Vilaweb a publicat una seguida de questions. Cal apondre que segon Lufthanasa s’agís d’un “accident inexplicable”, çò rapòrta La Provence. Aquel jornal regional d’expression francesa fa un seguiment en dirècte e sus plaça de la tragèdia.
72 ciutadans alemands, 51 espanhòls
Demièg las victimas, Germanwings a identificat 72 ciutadans alemands e 51 ciutadans espanhòls, e mai un britanic, un neerlandés, un colombian, un mexican, un japonés, un danés, un bèlga, un israelian, dos australians, d’argentins, de veneçolans e d’estatsunidencs. Encara an pas pogut contactar las familhas de 27 victimas.
Activitat dels govèrns aranés, catalan, espanhòl, francés e alemand
Lo sindic d’Aran, Carlos Barrera, se manifestèt amb aquestas paraulas: “en nòm pròpri, deth Conselh Generau d’Aran e deth pòble aranés, voi hèr arribar eth nòste mès sentit dò as familhes des victimes der accident aerian, atau coma eth nòste mès incondicionau supòrt as govèrns des païsi des victimes”. Lo Conselh General d’Aran a suspendut los actes dels jorns 25, 26 e 27 de març per ne far tres jorns de dòl oficial. En mai d’aquò, ièr de maitin, davant la sedença del Govèrn d’Aran e de las comunas del país, se faguèt una minuta de silenci.
Lo govèrn catalan e tanben lo govèrn espanhòl an decretat tres jorns de dòl oficial. Lo govèrn espanhòl ditz que los prètzfaches de recuperacion dels còrses dels 150 passatgièrs de l’avion de Germanwings seràn lents e complicats, tant a causa de l’orografia coma de la meteorologia.
Ièr se rescontrèron a Sèina (o Sanha, Prealps de Dinha) lo president de Catalonha Artur Mas, lo president espanhòl Mariano Rajoy (Mas e Rajoy viatgèron amassa), lo president francés François Hollande e la cancelièra alemanda Angela Merkel. La vicepresidenta del govèrn catalan, Joana Ortega, ja i anèt dimars.
La vicepresidenta espanhòla, María Soraya Sáenz de Santamaría, anoncièt que lo sieu govèrn aviá creat un gabinet de crisi. O a fach tanben lo govèrn francés.
Lo govèrn catalan a installat un numèro de telefòn d’atencion a las familhas, a suspendut l’agenda oficiala del govèrn e a anonciat qu’organizarà tot lo transpòrt collectiu necessari per las familhas que vòlgan anar en Occitània.
Solidaritat al país de Sèina
Las familhas de las victimas de l’accident començan d’arribar sus plaça. Son a trobar la solidaritat dels abitants dels vilatges vesins del sit de la tragèdia, que s’organizan per los aculhir. L’edicion marselhesa de 20 Minutes i consagra un reportatge.
Una boita negra e de questions sens responsa
E mai se lo meteis jorn de l’accident trobèron una de las boitas negras de l’avion, i a encara de questions sens responsa. D’un costat se sap pas las causas de l’accident, en esperant d’analisar la boita e de trobar l’autra.
Segon lo secretari d’estat dels transpòrts, Alain Vidalies, una de las doas boitas negras es a París e l’investigacion comencèt ièr de matin. Se i a las “voses umanas, las convèrsas de la darrièra mièja ora” dels pilòts, se poiriá trobar “amb fòrça rapiditat” una “explicacion sus çò que s’es passat”. S’aquelas voses s’èran perdudas, l’investigacion s’esperlongariá “qualques setmanas o qualques meses”, çò declarèt Vidalies a Europe 1. “La boita es damatjada mas cresèm que se poirà analisar”, çò assegurèt.
Avion “polverejat”
Un pòrtavotz del Ministèri francés de l’Interior confirmèt dimars de ser que l’avion s’èra “polverejat” après s’escrachar contra lo Pueg dels Tres Evescats.
Per facilitar l’identificacion dels còrses, la polícia de Catalonha —los Mossos d’Equadra—, a pres de mòstras d’ADN de 27 parents dels passatgièrs, acompanhadas de l’indentitat completa e la descripcion fisica d’aquelas personas. Un trentenat de victimas de l’accident èran de catalans.
De son costat, lo president de la Generalitat de Catalonha, Artur Mas, a declarat ièr de matin que s’examinarà en detalh los imatges de l’avion sinistrat quand èra a l’aeropòrt de Barcelona. En mai d’aquò, lo president catalan a ofèrt la collaboracion de las autoritats e de la polícia catalana. Interrogat sus Europe 1, Artur Mas diguèt que segon el França o fa “tot çò que pòt” en aquela tragèdia e doguèt sos grandmercés a las autoritats francesas per lor “engatjament”, qu’es “absoludament necite per èsser al costat de las familhas”.
L’accident
Lo vòl 4U9525 de la companhiá alemanda Germanwings fasiá lo trajècte Barcelona-Düsseldorf. Èra un Airbus A320 que deviá partir de l’aeropòrt catalan a 9h35, malgrat que fin finala s’enaurèsse a 10h01. Quaranta minutas puèi s’escrachèt. A l’entorn d’11h l’avion desapareguèt del radar e, segon las darrièras informacions, mandèt pas cap de messatge d’emergéncia. S’escrachèt sul Pueg dels Tres Evescats, entre los Prealps de Dinha e Ubaia.
L’avion aviá una capacitat per 174 passatgièrs mas i viatjavan 144 passatgièrs e 6 memebres d’esquipatge. Los passatgièrs avián fach l’embarcament a la pòrta 34 de la terminala 2 de l’aeropòrt de Barcelona-El Prat, e es en aquela terminala que s’es recebut los parents de las victimas.
Se’n sap pas encara las causas
Encara s’es pas esclarzit las causas de l’accident. Lo govèrn francés diguèt ièr qu’escartava pas cap d’ipotèsi, compresa una accion terrorista. Mas l’Ostal Blanc o desmentiguèt net e clar; la pòrtavotz del govèrn estatsunidenc, Bernardette Meehan, diguèt: “En aqueste moment i a pas res que nos permeta de dire que i aja quin que siá ligam amb lo terrorisme”.
La vicepresidenta europèa del grop Lufthansa, Heike Birlenbach, compareguèt dimars solament per dire que sabiá pas las causas de l’accident, e que quitament ignorava perqué l’Airbus A320 accidentat als Alps s’èra enaurat amb mièja ora de retard.
Germanwings es una companhiá filiala de Lufthansa. L’avion accidentat èra operatiu dempuèi 1991 e passèt totas las revisions que caliá. Vejatz-ne la ficha tecnica aquí.
Regardatz los primièrs imatges en vidèo del luòc ont s’escrachèt l’avion, difusadas per la BBC:
Vaicí una fòto de l’endrech ont s’escrachèt l’avion, facha dempuèi un elicoptèr e publicada per France 2:
Segon aqueste grafic de Flight Radar 24, lo vòl perdèt d’altitud sul pic tre 10h30 e s’escrachèt qualques minutas puèi.
Vaicí lo trajècte que fasiá l’avion accidentat:
Emission en dirècte de France 24:
Regarder FRANCE 24 en Direct sur Dailymotionper france24
Lo copilòt faguèt descentre l'aparelh volontàriament
Segon lo jornal estatsunidenc, dins l’enregistrament de votz de la boita negra se pòt entendre lo segond pilòt, qu’es en defòra de la gabina, que pica la pòrta, que crida de mai en mai fòrt e que quitament ensaja de far tombar la pòrta. Lo procuraire de Marselha, Brice Robin, a confirmat aquelas informacions dins una conferéncia de premsa a 12h30. Robin e a apondut que lo copilòt faguèt descentre l'aparelh volontàriament.
“L'òme qu’es demorat en defòra pica la pòrta, mas i a pas cap de responsa. E pica après amb mai de força, e i a pas cap de responsa. Jamai i aguèt pas cap de reponsa”, çò ditz l'investigator e confirma lo procuraire, en tot apondre que “s’entend que qualqu’un ensaja de far tombar la pòrta”.
Se sap pas encara perqué un dels dos pilots sortiguèt de la gabina, “mas çò qu’es clar, es qu’a la fin, l’autre pilòt rèsta tot sol e dobrís pas la pòrta”.
L’enregistrament de la boita negra, çò comenta The New York Times, explica pas cap d'activitat del copilòt que demorèt tot sol dins la gabina. Robin apond que fins al moment de l'impacte se pòt entrendre la respiracion del copilòt, e doncas, qu'èra viu.
Un “accident inexplicable”
De son costat, lo jornal catalan Vilaweb a publicat una seguida de questions. Cal apondre que segon Lufthanasa s’agís d’un “accident inexplicable”, çò rapòrta La Provence. Aquel jornal regional d’expression francesa fa un seguiment en dirècte e sus plaça de la tragèdia.
72 ciutadans alemands, 51 espanhòls
Demièg las victimas, Germanwings a identificat 72 ciutadans alemands e 51 ciutadans espanhòls, e mai un britanic, un neerlandés, un colombian, un mexican, un japonés, un danés, un bèlga, un israelian, dos australians, d’argentins, de veneçolans e d’estatsunidencs. Encara an pas pogut contactar las familhas de 27 victimas.
Activitat dels govèrns aranés, catalan, espanhòl, francés e alemand
Lo sindic d’Aran, Carlos Barrera, se manifestèt amb aquestas paraulas: “en nòm pròpri, deth Conselh Generau d’Aran e deth pòble aranés, voi hèr arribar eth nòste mès sentit dò as familhes des victimes der accident aerian, atau coma eth nòste mès incondicionau supòrt as govèrns des païsi des victimes”. Lo Conselh General d’Aran a suspendut los actes dels jorns 25, 26 e 27 de març per ne far tres jorns de dòl oficial. En mai d’aquò, ièr de maitin, davant la sedença del Govèrn d’Aran e de las comunas del país, se faguèt una minuta de silenci.
Lo govèrn catalan e tanben lo govèrn espanhòl an decretat tres jorns de dòl oficial. Lo govèrn espanhòl ditz que los prètzfaches de recuperacion dels còrses dels 150 passatgièrs de l’avion de Germanwings seràn lents e complicats, tant a causa de l’orografia coma de la meteorologia.
Ièr se rescontrèron a Sèina (o Sanha, Prealps de Dinha) lo president de Catalonha Artur Mas, lo president espanhòl Mariano Rajoy (Mas e Rajoy viatgèron amassa), lo president francés François Hollande e la cancelièra alemanda Angela Merkel. La vicepresidenta del govèrn catalan, Joana Ortega, ja i anèt dimars.
La vicepresidenta espanhòla, María Soraya Sáenz de Santamaría, anoncièt que lo sieu govèrn aviá creat un gabinet de crisi. O a fach tanben lo govèrn francés.
Lo govèrn catalan a installat un numèro de telefòn d’atencion a las familhas, a suspendut l’agenda oficiala del govèrn e a anonciat qu’organizarà tot lo transpòrt collectiu necessari per las familhas que vòlgan anar en Occitània.
Solidaritat al país de Sèina
Las familhas de las victimas de l’accident començan d’arribar sus plaça. Son a trobar la solidaritat dels abitants dels vilatges vesins del sit de la tragèdia, que s’organizan per los aculhir. L’edicion marselhesa de 20 Minutes i consagra un reportatge.
Una boita negra e de questions sens responsa
E mai se lo meteis jorn de l’accident trobèron una de las boitas negras de l’avion, i a encara de questions sens responsa. D’un costat se sap pas las causas de l’accident, en esperant d’analisar la boita e de trobar l’autra.
Segon lo secretari d’estat dels transpòrts, Alain Vidalies, una de las doas boitas negras es a París e l’investigacion comencèt ièr de matin. Se i a las “voses umanas, las convèrsas de la darrièra mièja ora” dels pilòts, se poiriá trobar “amb fòrça rapiditat” una “explicacion sus çò que s’es passat”. S’aquelas voses s’èran perdudas, l’investigacion s’esperlongariá “qualques setmanas o qualques meses”, çò declarèt Vidalies a Europe 1. “La boita es damatjada mas cresèm que se poirà analisar”, çò assegurèt.
Avion “polverejat”
Un pòrtavotz del Ministèri francés de l’Interior confirmèt dimars de ser que l’avion s’èra “polverejat” après s’escrachar contra lo Pueg dels Tres Evescats.
Per facilitar l’identificacion dels còrses, la polícia de Catalonha —los Mossos d’Equadra—, a pres de mòstras d’ADN de 27 parents dels passatgièrs, acompanhadas de l’indentitat completa e la descripcion fisica d’aquelas personas. Un trentenat de victimas de l’accident èran de catalans.
De son costat, lo president de la Generalitat de Catalonha, Artur Mas, a declarat ièr de matin que s’examinarà en detalh los imatges de l’avion sinistrat quand èra a l’aeropòrt de Barcelona. En mai d’aquò, lo president catalan a ofèrt la collaboracion de las autoritats e de la polícia catalana. Interrogat sus Europe 1, Artur Mas diguèt que segon el França o fa “tot çò que pòt” en aquela tragèdia e doguèt sos grandmercés a las autoritats francesas per lor “engatjament”, qu’es “absoludament necite per èsser al costat de las familhas”.
L’accident
Lo vòl 4U9525 de la companhiá alemanda Germanwings fasiá lo trajècte Barcelona-Düsseldorf. Èra un Airbus A320 que deviá partir de l’aeropòrt catalan a 9h35, malgrat que fin finala s’enaurèsse a 10h01. Quaranta minutas puèi s’escrachèt. A l’entorn d’11h l’avion desapareguèt del radar e, segon las darrièras informacions, mandèt pas cap de messatge d’emergéncia. S’escrachèt sul Pueg dels Tres Evescats, entre los Prealps de Dinha e Ubaia.
L’avion aviá una capacitat per 174 passatgièrs mas i viatjavan 144 passatgièrs e 6 memebres d’esquipatge. Los passatgièrs avián fach l’embarcament a la pòrta 34 de la terminala 2 de l’aeropòrt de Barcelona-El Prat, e es en aquela terminala que s’es recebut los parents de las victimas.
Se’n sap pas encara las causas
Encara s’es pas esclarzit las causas de l’accident. Lo govèrn francés diguèt ièr qu’escartava pas cap d’ipotèsi, compresa una accion terrorista. Mas l’Ostal Blanc o desmentiguèt net e clar; la pòrtavotz del govèrn estatsunidenc, Bernardette Meehan, diguèt: “En aqueste moment i a pas res que nos permeta de dire que i aja quin que siá ligam amb lo terrorisme”.
La vicepresidenta europèa del grop Lufthansa, Heike Birlenbach, compareguèt dimars solament per dire que sabiá pas las causas de l’accident, e que quitament ignorava perqué l’Airbus A320 accidentat als Alps s’èra enaurat amb mièja ora de retard.
Germanwings es una companhiá filiala de Lufthansa. L’avion accidentat èra operatiu dempuèi 1991 e passèt totas las revisions que caliá. Vejatz-ne la ficha tecnica aquí.
Regardatz los primièrs imatges en vidèo del luòc ont s’escrachèt l’avion, difusadas per la BBC:
Vaicí una fòto de l’endrech ont s’escrachèt l’avion, facha dempuèi un elicoptèr e publicada per France 2:
BREAKING #GermanWings Here is a photo from helicopter of the crash area /France2 journalists http://t.co/wFg8KTSve2pic.twitter.com/RnC5gT5w40
— AirLive.net (@airlivenet) March 24, 2015Segon aqueste grafic de Flight Radar 24, lo vòl perdèt d’altitud sul pic tre 10h30 e s’escrachèt qualques minutas puèi.
.@flightradar24 altitude & speed chart of #4U9525. Aircraft entered a steep but constant descent. pic.twitter.com/Hl7IVhZCmy
— Jason Rabinowitz (@AirlineFlyer) March 24, 2015Vaicí lo trajècte que fasiá l’avion accidentat:
UPDATE CRASH Germanwings #4U9525 Crash of an A320 disappeared at 09:39 UTC from radar http://t.co/GRUjOCXkr9pic.twitter.com/HWrvDD24ac
— AirLive.net (@airlivenet) March 24, 2015Emission en dirècte de France 24:
Regarder FRANCE 24 en Direct sur Dailymotionper france24
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ha de dir "batlle"....
Vist i sentit a TV3: s’ ha posat , en commemoració del sinistre aeri, un monolit amb inscripcions en francès, alemany, espanyol i anglès _res d' occità i, o, catlà-. Aqui a la vora del massís del “trois evéches” hi ha el municipi de “le Vernet”, connexió des de “seinlesalps” -res de toponímia occitana-...... Què hem de dir? Potser res, sim plemeent sentir vergonya i fàstic..
.Després ha sotit el batte de Lo Vernet parlant en francés.....Alguns diran que això és "intrenacional" i que s' han de conèixer llengües, però els que sabem de què va la cosa raplicarem que això no és cert, que únicament serveix per fer invisible el poble occità i per passar -falsament- per francesos. A hores d' ara l' intrenacionalisme es demostraria parlant alternativament la llengua del lloc -la nostra llengua occitanocatalana- i l' anglès.... Vergonyós, tot plegat....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari