Actualitats
Los pilòts planhon las filtracions d’informacion de l’enquèsta
Los pilòts franceses faràn lor denóncia contra X per la filtracion d’informacions a The New York Times e per “violacion del secret professional”. Tanben se planhon las associacions de pilòts alemanda e internacionalas
Lo president del Sindicat dels Pilòts franceses (SNPL), Éric Derivery, a anonciat que faràn lor denóncia per “violacion del secret professional” contra la persona que donèt de detalhs de l’enquèsta sus l’avion de Germanwings escrachat al Pueg dels Tres Evescats. Dins una entrevista a BFMTV, Derivery a dich que planhon que The New York Times obtenguèsse d’informacions “extrèmament detalhadas” abans que las confirmèsse lo procuraire de Marselha. “Aquò es contrari a totas las nòrmas de confidencialitat”, çò a dich Derivery.
“En luòc de seguir las nòrmas de confidencialitat que pertòcan totes los que participan a una enquèsta, qualqu’un a filtrat d’informacions a la premsa”, çò planh Derivery, qu’a decidit de far sa denóncia contra X per violacion del secret professional.
Derivery tanben a comentat las informacions de la premsa alemanda, coma la del jornal Bild, que publica que lo pilòt empleguèt una pigassa per ensajar de dobrir la pòrta de la gabina de contraròtle. “I a pas de pigassas”, çò afirmèt Derivery, qu’assegurèt que la sola pigassa que i a es justament dins la gabina dels pilòts per evitar que cap de passatgièr la pòsca emplegar. D’alhors Lufthansa a confirmat a Bild que dins l’aparelh i a una pigassa que “fa partida de l’esquipament de seguretat”.
Lo representant de l’associacion dels pilòts franceses a avertit tanben que la decision que i aja totjorn doas personas de l’esquipatge dins la gabina respond a “l’emocion del moment”, mas qu’aquò o caldriá estudiar melhor. Segon el, “se precipitan”. “Aquel eveniment es tragic e grèu, mas la solucion de metre una autra persona dins la gabina es una mièja solucion, extrèmament prematura”. Segon el, la segonda persona, un assistent de vòl per exemple, poiriá èsser neutralizada aisidament en cas que lo pilòt volguèsse escrachar l’avion.
La federacion internacionala dels pilòts e mai l’alemanda
De son costat, la revista Time publica que la Federacion Internacionala de las Associacions de Pilòts d’Avion (IFALPA) a condemnat tanben las filtracions d’informacions de l’enquèsta sus l’afar del vòl de Germanwings. “De filtracions coma aquela prejudican grèvament la seguretat aeriana perque dobrisson la pòrta a las especulacions mal informadas dels mèdias e del public general e descoratjan la cooperacion amb los enquestaires en de futurs accidents”, çò ditz la federacion en un comunicat. “La sola utilitat de la boita negra es d’ajudar los enquestaires, pas d’atribuir de fautas”, çò apondon.
Tanben lo director dels afars internacionals de l’Associacion dels Pilòts Alemands, James Phillips, a dich a Time que las informacions publicadas abans lo comunicat del procuraire de Marselha èran “tras qu’incompletas qu’es pas de creire”. “Ai lo sentiment que cercavan una solucion rapida, mai qu’una bona responsa”, çò a plangut.
Los pilòts alemands demandan prudéncia perque s’es pas trobat encara la segonda boita negra que poiriá provesir mai d’informacions sus çò que se passèt dins la gabina de l’avion.
“En luòc de seguir las nòrmas de confidencialitat que pertòcan totes los que participan a una enquèsta, qualqu’un a filtrat d’informacions a la premsa”, çò planh Derivery, qu’a decidit de far sa denóncia contra X per violacion del secret professional.
Derivery tanben a comentat las informacions de la premsa alemanda, coma la del jornal Bild, que publica que lo pilòt empleguèt una pigassa per ensajar de dobrir la pòrta de la gabina de contraròtle. “I a pas de pigassas”, çò afirmèt Derivery, qu’assegurèt que la sola pigassa que i a es justament dins la gabina dels pilòts per evitar que cap de passatgièr la pòsca emplegar. D’alhors Lufthansa a confirmat a Bild que dins l’aparelh i a una pigassa que “fa partida de l’esquipament de seguretat”.
Lo representant de l’associacion dels pilòts franceses a avertit tanben que la decision que i aja totjorn doas personas de l’esquipatge dins la gabina respond a “l’emocion del moment”, mas qu’aquò o caldriá estudiar melhor. Segon el, “se precipitan”. “Aquel eveniment es tragic e grèu, mas la solucion de metre una autra persona dins la gabina es una mièja solucion, extrèmament prematura”. Segon el, la segonda persona, un assistent de vòl per exemple, poiriá èsser neutralizada aisidament en cas que lo pilòt volguèsse escrachar l’avion.
La federacion internacionala dels pilòts e mai l’alemanda
De son costat, la revista Time publica que la Federacion Internacionala de las Associacions de Pilòts d’Avion (IFALPA) a condemnat tanben las filtracions d’informacions de l’enquèsta sus l’afar del vòl de Germanwings. “De filtracions coma aquela prejudican grèvament la seguretat aeriana perque dobrisson la pòrta a las especulacions mal informadas dels mèdias e del public general e descoratjan la cooperacion amb los enquestaires en de futurs accidents”, çò ditz la federacion en un comunicat. “La sola utilitat de la boita negra es d’ajudar los enquestaires, pas d’atribuir de fautas”, çò apondon.
Tanben lo director dels afars internacionals de l’Associacion dels Pilòts Alemands, James Phillips, a dich a Time que las informacions publicadas abans lo comunicat del procuraire de Marselha èran “tras qu’incompletas qu’es pas de creire”. “Ai lo sentiment que cercavan una solucion rapida, mai qu’una bona responsa”, çò a plangut.
Los pilòts alemands demandan prudéncia perque s’es pas trobat encara la segonda boita negra que poiriá provesir mai d’informacions sus çò que se passèt dins la gabina de l’avion.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
M'ha agradat força lo vostre editorial, cosa que demostra que siats periodistes seriosos. Lo fiscal alemany diguet que lo copilot havia hagut pas mai tendències suicidas des que comencet sa formació en la companyia, que havia estat tot molt exagerat, e qu'era pas verai que hagués existit lo part de baixa que lo diari sensacionalista havia anunciat com a cosa certa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari