Actualitats
Dança sus glaç: Gabriella Papadakis e Guillaume Cizeron campions del Mond
Los joves esportius occitans èran ja campions d’Euròpa e ara lor objectiu es l’aur olimpic en Pyeongyang 2018
Lo parelh auvernhat, format de Gabriella Papadakis e Guillaume Cizeron, de 19 e 20 ans respectivament, es vengut aqueste divendres passat campion del Mond de patinatge artistic en la modalitat de dança, dins lo campionat debanat a Shanghai (China), çò rapòrta Libération.
Papadakis e Cizeron avián ja ganhat lo Campionat d’Euròpa en genièr passat, e ara an conquistat l’aur del Mond amb 184,28 ponches, fòrça luenh de la portada dels rivals. E mai se foguèron los quatrens dins lo programa cort, dins la modalitat liura la superioritat del parelh occitan es estada inquestionabla.
Los estatsunidencs Madison Chock e Evan Bates —que ganhèron dimècres la modalitat corta— an ganhat l’argent amb 181,34 ponches, del temps que lo bronze, amb 179,42 ponches, es anat pels canadians Kaitlyn Weaver e Andrew Poje, qu’èran los segonds arunan.
Ara, Papadakis e Cizeron pòdon somiar del títol olimpic en 2018 a Pyeongyang (Corèa del Nòrd), una tòca luenchenca qu’“es lor objectiu dempuei plan longtemps”, çò ditz la maire de Gabriella Papadakis a La Montagne. Lo jornal nòrd-occitan comenta amb ela la proesa dels esportius occitans.
Papadakis e Cizeron avián ja ganhat lo Campionat d’Euròpa en genièr passat, e ara an conquistat l’aur del Mond amb 184,28 ponches, fòrça luenh de la portada dels rivals. E mai se foguèron los quatrens dins lo programa cort, dins la modalitat liura la superioritat del parelh occitan es estada inquestionabla.
Los estatsunidencs Madison Chock e Evan Bates —que ganhèron dimècres la modalitat corta— an ganhat l’argent amb 181,34 ponches, del temps que lo bronze, amb 179,42 ponches, es anat pels canadians Kaitlyn Weaver e Andrew Poje, qu’èran los segonds arunan.
Ara, Papadakis e Cizeron pòdon somiar del títol olimpic en 2018 a Pyeongyang (Corèa del Nòrd), una tòca luenchenca qu’“es lor objectiu dempuei plan longtemps”, çò ditz la maire de Gabriella Papadakis a La Montagne. Lo jornal nòrd-occitan comenta amb ela la proesa dels esportius occitans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari