Actualitats
Eleccions departamentalas: 4 elegits d’Aude an signat un engatjament en favor de l’occitan
I aurà de conselhièrs autonomistas al Bascoat Nòrd, en Bretanha e en Corsega
Lo segond torn de las eleccions departamentalas de la Republica Francesa a confirmat las tendéncias del primièr torn: reculada dels socialistas e dels ecologistas e avançada de l’UMP de Sarkozy dins tota la republica. E mai s’en Occitània cap de partit occitanista es pas arribat al segond torn de l’eleccion departamentala, i aurà de conselhièrs autonomistas al Bascoat Nòrd, en Bretanha e en Corsega.
En Occitània
En Occitània, los socialistas an ganhat dins l’oèst e lo sud del país, mentre que l’UMP s’es impausada al nòrd e a l’èst. Cal soslinhar que lo Front Nacional a pas capitat a ganhar en Provença, ont la formacion ultradrechista prevesiá de melhors resultats, mai que mai als departaments de Var e Vauclusa.
En mai d’aquò, en Aude, i a quatre conselhièrs departamentals elegits qu’an signat l’engatjament de País Nòstre. Aqueles elegits, que son 2 del Partit Socialista, 1 de l’UMP e lo cònsol centrista de La Novèla, an signat una carta de dètz engatjaments en favor de la promocion de la lenga e la cultura occitanas dins lo conselh departamental, ont cal notar la designacion d’un elegit delegat a l’occitan, l’installacion d’un encargat de mission, una evolucion del budget departamental per l’occitan de 2 èuros per abitant, un sosten a las Calandretas e a las escòlas bilingüas e la creacion d’un festenal de l’expression occitana.
De conselhièrs autonomistas al Bascoat Nòrd, en Bretanha e en Corsega
A respècte de las autras nacions sens estat qu’an participat a aquela eleccion, lo jornal catalan Nationalia n’a publicat un rapòrt. Segon Nationalia, Euskal Herria Bai a obtengut dos conselhièrs departamentals al Bascoat. Los autonomistas del Movement Bretanha e Progrès an ganhat als cantons de Gourin e de Karaez, ont se presentava Christian Troadec amb Corinne Nicole. En Corsega, los de Femu a Corsica-Insieme per Bastia an obtengut tres conselhièrs en Bastia.
En Occitània
En Occitània, los socialistas an ganhat dins l’oèst e lo sud del país, mentre que l’UMP s’es impausada al nòrd e a l’èst. Cal soslinhar que lo Front Nacional a pas capitat a ganhar en Provença, ont la formacion ultradrechista prevesiá de melhors resultats, mai que mai als departaments de Var e Vauclusa.
En mai d’aquò, en Aude, i a quatre conselhièrs departamentals elegits qu’an signat l’engatjament de País Nòstre. Aqueles elegits, que son 2 del Partit Socialista, 1 de l’UMP e lo cònsol centrista de La Novèla, an signat una carta de dètz engatjaments en favor de la promocion de la lenga e la cultura occitanas dins lo conselh departamental, ont cal notar la designacion d’un elegit delegat a l’occitan, l’installacion d’un encargat de mission, una evolucion del budget departamental per l’occitan de 2 èuros per abitant, un sosten a las Calandretas e a las escòlas bilingüas e la creacion d’un festenal de l’expression occitana.
De conselhièrs autonomistas al Bascoat Nòrd, en Bretanha e en Corsega
A respècte de las autras nacions sens estat qu’an participat a aquela eleccion, lo jornal catalan Nationalia n’a publicat un rapòrt. Segon Nationalia, Euskal Herria Bai a obtengut dos conselhièrs departamentals al Bascoat. Los autonomistas del Movement Bretanha e Progrès an ganhat als cantons de Gourin e de Karaez, ont se presentava Christian Troadec amb Corinne Nicole. En Corsega, los de Femu a Corsica-Insieme per Bastia an obtengut tres conselhièrs en Bastia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quand legissi l'engatjament me disi qu'es una misca masca de mai. Tot lo mond pòt signar aquela mena d'engatjament de tal qu'engatjar pas a ren ! Son una estampida d'intencions generalistas , res de concret, res de seguit dins lo temps! Tot aquò es sonque de ventalha e bracejadís.
E los qu'an pas estat elegits ? de que fan per l'occitan : Nos recantan la sansonha "se sem elegits farèm quicòm" De l'intencion m'en foti. Amai se son pas elegits devon fa quicòm tre ara.
Saique serà pas aqueste lo peis d'abrial?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari