Actualitats
Søren Kam, un dels cinc criminals nazis mai recercats, es mòrt sens èsser jutjat ni condemnat
Las autoritats alemandas an totjorn refusat a Danemarc l’extradicion del vièlh nazi
Søren Kam, un dels cinc criminals nazis mai recercats, moriguèt a 93 ans en Bavièra lo 23 de març passat, segon çò que rapòrta lo setmanièr catalan Directa.
Nascut en Danemarc, Kam participèt activament a l’assassinat a Kongens Lyngby (Danemarc) del jornalista antifaissista Carl Henrik Clemmensen, qu’èra de la resisténcia. Clemmensen aviá publicat d’articles que listavan qui èran los jornalistas daneses que collaboravan amb lo regim nazi.
Après la Segonda Guèrra Mondiala, las autoritats danesas considerèron oficialament que Søren Kam èra mòrt, mas en realitat s’amaguèt en Alemanha amb lo nom fals de Peter Müller. En 1956 obtenguèt la nacionalitat alemanda.
En 1985 Danemarc emetèt un mandat d’arrèst internacional per Kam, per l’assassinat de Clemmensen e per sa participacion a la deportacion de la comunautat josieva de Copenhaga, mas las autoritats alemandas ignorèron aquel mandat. En 1999 las autoritats danesas tornèron emetre un mandat d’arrèst internacional engrandit amb d’autres crimes que Kam i auriá participat, mas Alemanha ignorèt l’òrdre un còp de mai.
En 2006 arrestèron Kam dins son domicili a Kempten (Bavièra). Mas un tribunal alemand decidiguèt que lo caliá pas extradir en Danemarc “per manca de pròvas”, e mai se las demandas s’acompanhavan de documents que provavan sa culpabilitat.
Kam foguèt membre del Partit Nacionalsocialista dels Trabalhadors de Danemarc de 1937 enlà. Lai collaborèt estrechament amb los còrses francs e los comandos paramilitars del partit dins la persecucion de la comunautat josieva e la dissidéncia. En 1940 se prepausèt volontari per luchar amb los Waffen-SS al front oriental, amb la 5a Division Panzergrenadier SS Wiking. En 1944 foguèt destinat a l’escòla de formacion d’oficials dels SS de Bad Tölz, la mai importanta de l’Alemanha nazi.
Pendent tota sa vida, Kam se mantenguèt coma un nacionalsocialista convencut e participèt a las amassadas de veterans dels SS. Foguèt tanben fòrça popular demest los neonazis alemands actuals.
Lo director del Centre Simon Wiesenthal, Efraim Zuroff, a dich en un comunicat que la mòrt de Kam coma òme liure “es una terribla revirada de las autoritats bavieresas. Kam auriá degut acabar sa miserabla vida en preson, siá en Danemarc, siá en Alemanha”, çò ditz.
Nascut en Danemarc, Kam participèt activament a l’assassinat a Kongens Lyngby (Danemarc) del jornalista antifaissista Carl Henrik Clemmensen, qu’èra de la resisténcia. Clemmensen aviá publicat d’articles que listavan qui èran los jornalistas daneses que collaboravan amb lo regim nazi.
Après la Segonda Guèrra Mondiala, las autoritats danesas considerèron oficialament que Søren Kam èra mòrt, mas en realitat s’amaguèt en Alemanha amb lo nom fals de Peter Müller. En 1956 obtenguèt la nacionalitat alemanda.
En 1985 Danemarc emetèt un mandat d’arrèst internacional per Kam, per l’assassinat de Clemmensen e per sa participacion a la deportacion de la comunautat josieva de Copenhaga, mas las autoritats alemandas ignorèron aquel mandat. En 1999 las autoritats danesas tornèron emetre un mandat d’arrèst internacional engrandit amb d’autres crimes que Kam i auriá participat, mas Alemanha ignorèt l’òrdre un còp de mai.
En 2006 arrestèron Kam dins son domicili a Kempten (Bavièra). Mas un tribunal alemand decidiguèt que lo caliá pas extradir en Danemarc “per manca de pròvas”, e mai se las demandas s’acompanhavan de documents que provavan sa culpabilitat.
Kam foguèt membre del Partit Nacionalsocialista dels Trabalhadors de Danemarc de 1937 enlà. Lai collaborèt estrechament amb los còrses francs e los comandos paramilitars del partit dins la persecucion de la comunautat josieva e la dissidéncia. En 1940 se prepausèt volontari per luchar amb los Waffen-SS al front oriental, amb la 5a Division Panzergrenadier SS Wiking. En 1944 foguèt destinat a l’escòla de formacion d’oficials dels SS de Bad Tölz, la mai importanta de l’Alemanha nazi.
Pendent tota sa vida, Kam se mantenguèt coma un nacionalsocialista convencut e participèt a las amassadas de veterans dels SS. Foguèt tanben fòrça popular demest los neonazis alemands actuals.
Lo director del Centre Simon Wiesenthal, Efraim Zuroff, a dich en un comunicat que la mòrt de Kam coma òme liure “es una terribla revirada de las autoritats bavieresas. Kam auriá degut acabar sa miserabla vida en preson, siá en Danemarc, siá en Alemanha”, çò ditz.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari