Actualitats
Vèto contra Catalonha e Taiwan dins la Copa del Mond de Futsal
Bielorussia a demandat la retirada d’aquelas seleccions per paur de las represalhas d’Espanha e de China. Lo president de la seleccion catalana crei que lo govèrn espanhòl es intervengut
Las seleccions de futsal (fotbòl de sala) de Catalonha e de Taiwan poiràn pas participar al Campionat del Mond que se debanarà lo mes que ven en Bielorussia. E mai se la seleccion catalana aviá ganhat son drech gràcias a la classificacion qu’obtenguèt dins lo Campionat d’Euròpa, en Chequia, sa participacion es estada vedada. Segon çò que rapòrta L’Esportiu, la Federacion de Futsal de Bielorussia mandèt una letra a l’Associacion Mondiala de Futsal (AMF) en demandant que se retirèsse las seleccions de Catalonha e de Taiwan, per paur de las represalhas d’Espanha e de China.
Lo president de la Federacion Catalana de Futsal (FCFS), Jordi Eduardo, a dich que crei que dins aquela la decision i a l’intervencion del govèrn espanhòl. Eduadro explicava que fa tres ans l’ambaissada espanhòla ensagèt d’empedir la participacion de la seleccion catalana a un campionat d’Euròpa precisament en Bielorussia. En aquela escasença, l’ambaissada mandèt una letra qu’avertissiá que l’FCFS representava pas brica l’estat espanhòl. Mas alavetz l’esquipa catalana participèt ça que la, sens cap de problèma.
“L’AMF a pas volgut riscar que lo campionat s’anulle e a accedit a la demanda de Bielorussia; es un cas fòrça especial e pensam que se tornarà pas passar”.
Las seleccions catalana e taiwanesa de futsal participan regularament a las competicions internacionalas dempuèi 2004.
Lo president de la Federacion Catalana de Futsal (FCFS), Jordi Eduardo, a dich que crei que dins aquela la decision i a l’intervencion del govèrn espanhòl. Eduadro explicava que fa tres ans l’ambaissada espanhòla ensagèt d’empedir la participacion de la seleccion catalana a un campionat d’Euròpa precisament en Bielorussia. En aquela escasença, l’ambaissada mandèt una letra qu’avertissiá que l’FCFS representava pas brica l’estat espanhòl. Mas alavetz l’esquipa catalana participèt ça que la, sens cap de problèma.
“L’AMF a pas volgut riscar que lo campionat s’anulle e a accedit a la demanda de Bielorussia; es un cas fòrça especial e pensam que se tornarà pas passar”.
Las seleccions catalana e taiwanesa de futsal participan regularament a las competicions internacionalas dempuèi 2004.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es lo govern del pepi que vol pas reconeisser l'estat plurinacional,supose que amb lo recolçament de ciutadans e la rosa. Mas quan guanen los nostres aital serà lo primier que es podrà canviar, se's qu'el partit d'Artur ho vol, perquè sembla que vol seguir amb la comèdia de far creire que la independència es possible aconseguir-la unilateralment. Lo partit nacionalista basc ja ha dit que proximament amb lo nou parlament en vol parlar perquè es reconega la nació basca.
Persqué Espanha vòl pas la participacion de l'esquipa castalana? Es pas la pesna de pausar la question...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari