Actualitats
Bascoat: l’independéncia ven la revendicacion principala de la fèsta nacionala
L’“Aberri Eguna”, o lo Jorn de la Pàtria, es commemorat dempuèi 1932
Coma cada Dimenge de Pascas, los sobeiranistas bascos an commemorat lo dich “Aberri Eguna” (lo Jorn de la Pàtria). Aquela jornada se celèbra dempuèi 1932 e ven cada an un termomètre del sobeiranisme basco.
Lo Partit Nacionalista Basco (EAJ-PNB) faguèt un acte a miègjorn a Bilbao ont se mostrèt coma “lo melhor esplech per la liberacion nacionala e sociala del Bascoat”.
De son costat, EH Bildu e EH Bai marchèron coma cada an per las carrièras de Pampalona, que revendican coma capitala del país. EH Bildu a manifestat que sa tòca es d’“arribar a un estat basco” en partissent de “las diferentas realitats que i a dins lo Bascoat” amb “diferents ritmes e procediments”. Dins aquel sens defendèt que lo sol camin per aténher l’independéncia es la democracia e lo respècte pel drech de decidir.
ÈTA: “L'independéncia es una revendicacion de plena actualitat al Bascoat”
En coïncidissent amb la fèsta nacionala basca, ÈTA publiquèt un comunicat dins lo jornal Gara ont afirmava que “l’independéncia es una revendicacion de plena actualitat” al Bascoat. “Es de mai en mai evident lo prejudici de la subordinacion pel Bascoat e sas gents”, çò ditz l'organizacion, que denóncia que los estats espanhòl e francés an emplegat “totes lo mejans per n’acabar amb lo nòstre pòble”. Ara, “lo Bascoat non solament contunha d’èsser viu, mas tanben se tròba davant un enjòc istoric per far de passes decisius cap a la libertat”, çò contunha ÈTA, que considèra que i a “país, projècte e camin” per organizar e far possibla l’independéncia del Bascoat.
Lo Partit Nacionalista Basco (EAJ-PNB) faguèt un acte a miègjorn a Bilbao ont se mostrèt coma “lo melhor esplech per la liberacion nacionala e sociala del Bascoat”.
De son costat, EH Bildu e EH Bai marchèron coma cada an per las carrièras de Pampalona, que revendican coma capitala del país. EH Bildu a manifestat que sa tòca es d’“arribar a un estat basco” en partissent de “las diferentas realitats que i a dins lo Bascoat” amb “diferents ritmes e procediments”. Dins aquel sens defendèt que lo sol camin per aténher l’independéncia es la democracia e lo respècte pel drech de decidir.
ÈTA: “L'independéncia es una revendicacion de plena actualitat al Bascoat”
En coïncidissent amb la fèsta nacionala basca, ÈTA publiquèt un comunicat dins lo jornal Gara ont afirmava que “l’independéncia es una revendicacion de plena actualitat” al Bascoat. “Es de mai en mai evident lo prejudici de la subordinacion pel Bascoat e sas gents”, çò ditz l'organizacion, que denóncia que los estats espanhòl e francés an emplegat “totes lo mejans per n’acabar amb lo nòstre pòble”. Ara, “lo Bascoat non solament contunha d’èsser viu, mas tanben se tròba davant un enjòc istoric per far de passes decisius cap a la libertat”, çò contunha ÈTA, que considèra que i a “país, projècte e camin” per organizar e far possibla l’independéncia del Bascoat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari