Se Limós a lo mai long CARnaval del Mond, CARcassona aurà ongan lo mai cort. Fa doas mesadas, la municipalitat a significat al COMICC (Comitat del CARnaval de CARcassona) qu’aviá pas pro de sòus per balhar sosten a la manifestacion. L’associacion a decidit ça que la d’una sortida “espontanèa” aqueste dissabte 11 d’abril. Per mARcar l’esperit populAR de la tradicion, lo tèma causit n’es: “L’ART a CARcassona” (qu’a quicòm —benlèu— de véser amb lo nom del cònsol UMP: LARrat?) e faire un contrapés a la venguda de Johnny l’Ancian e del Juli de las Glèisas per l’a-Festenal d’estiu, exprimir la denóncia municipala del sosten a la dinamica associacion 11-Bouge, constatar la fin de la mòstra d’ART modèrne de la colleccion Cères Franco, ... e ne passam!
Lo Comitat espèra doncas los cARcassoneses de la bona coma los tot novèls, de totas las generacions (dels nenons als subrepapetas e subremametas) aqueste dissabte sul pic (o al repic?) de 5 oras del vèspre al còr de la Vila, Plaça de las Èrbas, un còp lo mercat del matin acabat: mascatz-vos solets e soletas o en bandas (l’an passat, i aviá de bravas pancARtas en lenga nòstra). CARnaval serà atal BAR-BAR (auriái pogut revirar CARnaval Estanquet-Estanquet, mas i aviá pas mai de jòc de mots). La FanfARa de Menerbés menARà lo passacarrièra fins a Las Platanas ont se farà l’ARt-peritiu. Puèi, en rota pel 98 (Carrièra de la Gara) ont se tendrà lo jutjament e la cremada d’un Rei anonciat coma excepcional e parodic. Un concèrt dels Tusta-Bueta perseguirà la nuèit o senon poiretz tornar a la serada dobèrta e festiva del Cochon Noir (Plaça de las Èrbas) per blocar la bloca.
Podètz pescar una debuta d’inspiracion cARabenada dins l’aficha realizada pel plastician ZARnò e tanben dins los “ARchius CARnavalencs CARcasso” (que per vos se descARcassan; se pòt comandar l’integralitat del document a: ieo11@ieo-oc.org): “L’anARquia es la forma organizacionala requista per CARnaval. CARnaval es la cARabena qu’amaga lo bòsc dels ARbres de l’indiferéncia. Lo lançAR de confettis es l’ARcolan de CARnaval. L’ARribada de CARnaval pòrta las granas de sa pARtença. Qual ditz que CARnaval es bARbariá sap res de la civilizacion. L’ase manja de cARdons, lo carnavalièr de lARdons. M’agrada mai lo lARd que l’ARt, mas la lARdor del lARd balha l’ARdor a l’ARt.Tres pelhòts son de fARda de rei(na) per cARnavalejar. GARgamèla de CARnaval non coneis la secada. CARnaval es una antipARabòla de la societat de consume. Al pARadís dels CARnavals, los morres longs coneisson l’infèrn. CARnaval a pas de pARròquia: es universal e pebre tanben! A CARnaval, cadun(a) ten sa pARt. Una sARda vièlha al cap d’un fil es l’ARma del godilh. Dorièr o tARdièr, CARnaval ven totjorn a son ora. TARatatà landeriderà ARtibus ARtelhus ARratapARtalapadARram tARta a la tatà!”
ARpalhands, ARpalhandas, ARpalhandons e ARpalhandonas, rendètz-vos dissabte e visca la china: “Te coneissi, tu!”
ARistides ARmanacaire
Lo Comitat espèra doncas los cARcassoneses de la bona coma los tot novèls, de totas las generacions (dels nenons als subrepapetas e subremametas) aqueste dissabte sul pic (o al repic?) de 5 oras del vèspre al còr de la Vila, Plaça de las Èrbas, un còp lo mercat del matin acabat: mascatz-vos solets e soletas o en bandas (l’an passat, i aviá de bravas pancARtas en lenga nòstra). CARnaval serà atal BAR-BAR (auriái pogut revirar CARnaval Estanquet-Estanquet, mas i aviá pas mai de jòc de mots). La FanfARa de Menerbés menARà lo passacarrièra fins a Las Platanas ont se farà l’ARt-peritiu. Puèi, en rota pel 98 (Carrièra de la Gara) ont se tendrà lo jutjament e la cremada d’un Rei anonciat coma excepcional e parodic. Un concèrt dels Tusta-Bueta perseguirà la nuèit o senon poiretz tornar a la serada dobèrta e festiva del Cochon Noir (Plaça de las Èrbas) per blocar la bloca.
Podètz pescar una debuta d’inspiracion cARabenada dins l’aficha realizada pel plastician ZARnò e tanben dins los “ARchius CARnavalencs CARcasso” (que per vos se descARcassan; se pòt comandar l’integralitat del document a: ieo11@ieo-oc.org): “L’anARquia es la forma organizacionala requista per CARnaval. CARnaval es la cARabena qu’amaga lo bòsc dels ARbres de l’indiferéncia. Lo lançAR de confettis es l’ARcolan de CARnaval. L’ARribada de CARnaval pòrta las granas de sa pARtença. Qual ditz que CARnaval es bARbariá sap res de la civilizacion. L’ase manja de cARdons, lo carnavalièr de lARdons. M’agrada mai lo lARd que l’ARt, mas la lARdor del lARd balha l’ARdor a l’ARt.Tres pelhòts son de fARda de rei(na) per cARnavalejar. GARgamèla de CARnaval non coneis la secada. CARnaval es una antipARabòla de la societat de consume. Al pARadís dels CARnavals, los morres longs coneisson l’infèrn. CARnaval a pas de pARròquia: es universal e pebre tanben! A CARnaval, cadun(a) ten sa pARt. Una sARda vièlha al cap d’un fil es l’ARma del godilh. Dorièr o tARdièr, CARnaval ven totjorn a son ora. TARatatà landeriderà ARtibus ARtelhus ARratapARtalapadARram tARta a la tatà!”
ARpalhands, ARpalhandas, ARpalhandons e ARpalhandonas, rendètz-vos dissabte e visca la china: “Te coneissi, tu!”
ARistides ARmanacaire
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari