Eth 27 de març passat se presentèc en Vielha,  Aran. Istòria Grafica, un libre dera Fondacion deth Musèu Etnologic dera Val d’Aran qu’amasse 100 ans d’istòria dera Val d’Aran en 7500 imatges acompanhades d’explics e d’introduccions istoriques.
 
Eth libe ei dividit en sèt capítols qu’amassen es principaus hèts qu’an configurat Aran e era vida des aranesi.
 
Aran ei un des païsi d’Occitània que mès cambis a viscut en aguesti darrèri cent ans. Ath delà des grani cambis demografics e tecnologics qu’an experimentat es païsi de montanha, era frontèra geografica deth sud, era frontèra politica deth nòrd, e eth cambi radicau ena economia deth país, e e eth hèt d’auer autogovèrn, an configurat ua evolucion urbanistica e umana fòrça grana.
 
Damb er acte de presentacion, era Fondacion liruèc 7500 imatges ath Conselh Generau d’Aran. Amassades long de quate ans de trabalh, son estades numerizades en tot passar a formar un banc d’imatges dera Val d’Aran. Era informacion, que se depausarà en Archiu Generau d’Aran, serà inventariada e catalogada en tot seguir era nòrma archivistica que ne facilitarà era consulta.
 
 
 
 
Ferriòl Macip
 
 

---

Fondacion deth Musèu Etnologic dera Val d’Aran, 2015, Aran, istòria grafica, Pagès editors, 486 paginas