La companhiá d’exploracion espaciala SpaceX, qu’es proprietat de l’entrepreneire multimilionari sud-african Elon Musk, a decidit d’ofrir amb licéncia de domeni public totas las fotografias oficialas que publica sul sieu compte de Flickr. A l’ora d’ara, sus aquel compte i a un centenat de fotografias de l’entrepresa, qu’a un contracte amb la NASA per menar de cargas a l’Estacion Espaciala Internacionala (ISS).
 
I podèm veire d’imatges de las siás plataformas d’enaurament e aterratge, de qualques naus lançadas vèrs l’espaci, dels burèus centrals e del personal que lai trabalha, e tanben de la Tèrra vista de l’aire estant.
 
La licéncia de domeni public implica que las fotografias se pòdon emplegar per de tòcas artisticas, culturalas, educativas… e tanben per usatge comercial, sens cap de restriccion.