Actualitats
Crisi al Front Nacional e dins la familha Le Pen
Las declaracions de Jean-Marie Le Pen en favor de Pétain an pas plagut a Marine Le Pen, que s’opausarà a sa candidatura en Provença a las eleccions regionalas
Crisi dobèrta al Front Nacional e quitament dins la familha Le Pen, après las declaracions que Jean-Marie Le Pen faguèt lo 2 d’abril passat al jornal ultradrechista Rivarol. Le Pen i defend lo Marescal Pétain, banaliza l’Olocaust e fa de prepauses omofòbs, racistas e xenofòbs.
Sa filha, Marine Le Pen, presidenta del Front Nacional, reagiguèt sul pic. Ièr anoncièt dins un comunicat qu’ela s’opausariá a la candidatura de son paire per las eleccions regionalas en Provença. E o dirà durant lo burèu politic que lo partit xenofòb tendrà lo 17 d’abril que ven. “Jean-Marie Le Pen sembla d’èsser intrat dins una vertadièra espirala entre estrategia de la tèrra cremada e suicidi politic”, çò ditz Marine Le Pen dins son comunicat. “Son estatut de president d’onor l’autoriza pas de prene lo Front Nacional en ostatge, son de provocacions tan grossièras que la tòca sembla d’èsser de me portar tòrt, mas, ailàs, pòrtan un còp fòrça dur a tot lo movement, a sos quadres, a sos candidats, a sos aderents, a sos elegeires”, çò apond lo comunicat de Marine Le Pen.
Dijòus passat, Jean-Marie Le Pen aviá assegurat a BFM-TV e RMC que, dins lo Front Nacional, i a “d’ardents petainistas”. Dins Rivarol apond: “pas jamai ai considerat lo Marescal Pétain coma un traite”.
Jean-Marie Le Pen se mòstra segur de se presentar a las regionalas, e mai se sa banalizacion de l’Olocaust a remés en causa la legitimitat de sa candidatura. “Soi candidat cap de lista per metre a la pòrta los socialocomunistas. Remembri que faguèri a las darrièras eleccions europèas, fa mens d’un an, mai del 33% dels vòtes dins la region PACA”, es a dire Provença.
Las malparadas de Le Pen
Le Figaro amassa dins un article e un vidèo qualques presas de posicion sulfurosas del president d’onor del Front Nacional.
Benlèu la mai escandalosa es la de considerar l’Olocaust coma “un detalh de l’istòria”, mas le Pen explica tanben que “los omosexuals s’agropan, e mai se se detèstan los unes e los autres”. Dins lo terren racista, Jean-Marie Le Pen fa una crida a s’aprochar de Russia “per salvar l’Euròpa boreala e lo mond blanc”. “L’Euròpa boreala intègra los eslaus mas tanben Siberia, que crenhi que los russes se la pòscan pqs gardar eles sols”. Del costat xenofòb, e mai s’es dobèrtament islamofòb, Jean-Marie Le Pen jutja que la menaça ven de China: “i a un milion de chineses en França. Son de mond intelligents, actius, discrets mas pasmens potents e redobtables”.
Lo president d’onor del partit racista fa quitament de declaracions paranoïcas. “Sèm governats per d’immigrants”, çò ditz, en mençonant las originas estrangièras de Manuel Valls, Estrosi, Ciotti e Mariani, del temps qu’el se definís “francés dempuèi mila ans”.
Sa filha, Marine Le Pen, presidenta del Front Nacional, reagiguèt sul pic. Ièr anoncièt dins un comunicat qu’ela s’opausariá a la candidatura de son paire per las eleccions regionalas en Provença. E o dirà durant lo burèu politic que lo partit xenofòb tendrà lo 17 d’abril que ven. “Jean-Marie Le Pen sembla d’èsser intrat dins una vertadièra espirala entre estrategia de la tèrra cremada e suicidi politic”, çò ditz Marine Le Pen dins son comunicat. “Son estatut de president d’onor l’autoriza pas de prene lo Front Nacional en ostatge, son de provocacions tan grossièras que la tòca sembla d’èsser de me portar tòrt, mas, ailàs, pòrtan un còp fòrça dur a tot lo movement, a sos quadres, a sos candidats, a sos aderents, a sos elegeires”, çò apond lo comunicat de Marine Le Pen.
Dijòus passat, Jean-Marie Le Pen aviá assegurat a BFM-TV e RMC que, dins lo Front Nacional, i a “d’ardents petainistas”. Dins Rivarol apond: “pas jamai ai considerat lo Marescal Pétain coma un traite”.
Jean-Marie Le Pen se mòstra segur de se presentar a las regionalas, e mai se sa banalizacion de l’Olocaust a remés en causa la legitimitat de sa candidatura. “Soi candidat cap de lista per metre a la pòrta los socialocomunistas. Remembri que faguèri a las darrièras eleccions europèas, fa mens d’un an, mai del 33% dels vòtes dins la region PACA”, es a dire Provença.
Las malparadas de Le Pen
Le Figaro amassa dins un article e un vidèo qualques presas de posicion sulfurosas del president d’onor del Front Nacional.
Benlèu la mai escandalosa es la de considerar l’Olocaust coma “un detalh de l’istòria”, mas le Pen explica tanben que “los omosexuals s’agropan, e mai se se detèstan los unes e los autres”. Dins lo terren racista, Jean-Marie Le Pen fa una crida a s’aprochar de Russia “per salvar l’Euròpa boreala e lo mond blanc”. “L’Euròpa boreala intègra los eslaus mas tanben Siberia, que crenhi que los russes se la pòscan pqs gardar eles sols”. Del costat xenofòb, e mai s’es dobèrtament islamofòb, Jean-Marie Le Pen jutja que la menaça ven de China: “i a un milion de chineses en França. Son de mond intelligents, actius, discrets mas pasmens potents e redobtables”.
Lo president d’onor del partit racista fa quitament de declaracions paranoïcas. “Sèm governats per d’immigrants”, çò ditz, en mençonant las originas estrangièras de Manuel Valls, Estrosi, Ciotti e Mariani, del temps qu’el se definís “francés dempuèi mila ans”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quant de publicitat per lo FN, de longas, de pertot.
Parlam d'aquel, parlam d'aquel, ... Totjorn, cada jorn.
Detalh :
"...la region PACA”, es a dire Provença"
PACA = Soncament Provença ?
Estrosi e Ciotti seràn benlèu pas d'acòrdi amb aquela frasa...
Se comptam que la Pierrette s'enfusquèt e quitèt lo vièlh, manca pas qu'una garrolha amb la tanta per ne far una cançon:
Lo paire, la maire, la filha
E la tantina de Burgòs!
Mas i a d'aluserpits que dison qu'aquela garrolha benlèu es pas un marrit afar per la filha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari