Actualitats
Montpelhièr: FO prepausa un bus especial pels gitanos perque “senton mal”
Aital lo sindicat vòl reproduire l’apartheid dins la linha 9 del buses de Montpelhièr que connècta lo camp de ròms de Gramont amb lo centre vila
“Un autobús especial pels gitanos perque senton tròp mal”, çò a prepausat lo delegat sindical FO, Dominique Granier, a la societat de Transports de l’Aglomeracion de Montpelhièr (TAM). Aquò o a publicat la Gazette de Montpellier. Cada dia, de familhas gitanas prenon los buses de la linha 9 per anar entre lo centre vila e lor camp del quartièr de Gramont, mas segon lo sindicalista “es una vertadièra infeccion” e quitament un “perilh sanitari”. Es per aquò que prepausa de “crear una naveta especialament per totes eles”, en precisant qu’el a pas res contra “aquel mond”.
En mai d’aquò, Djamel Boumaaz, menaire a la TAM e elegit al conselh municipal de Montpelhièr sus la lista del Front Nacional, afirma tanben que la direccion auriá promés “un netejatge especific e mai sonhat pels buses de la linha 9”, en esperant de sostractar la porcion de la linha o de la suprimir totalament.
De son costat, lo delegat sindical CGT a la TAM, Bernard Gotis, a declarat a Libération que la direccion de la CGT “a decidit de seguir aquel sindicat en suprimissent un tròç d’aquela linha de bus plan frequentada pels gitanos e de far sostractar aquel tròç de linha”.
Mas Gotis es net e clar contra aqueles prepauses: “reproduirem pas l’apartheid a Montpelhièr”, çò diguèt a Libération. “Es una vergonha. Òc, i a una marrida odor quand los gitanos son dins lo bus e o senhalam dempuèi dos ans mas aquò s’apren pas a eles. Es perque òm los abandona talament qu’an solament un robinet sur lor camp! Son pas d’animals. Devèm pas atacar los paures mas la pauretat. Aquò fariá pas que desplaçar lo problèma”, çò precisèt.
Segon la CGT, de representants del sindicat FO a la TAM an fach rintrar mai d’un bus de la linha 9 lo mes passat per protestar contra aquelas marridas odors e aurián sasit lo comitat d’igièna, de seguretat e de las condicions de trabalh (CISCT) de l’entrepresa.
Per ara, lo servici de premsa de la Metropòli de Montpelhièr a pas res dich.
En mai d’aquò, Djamel Boumaaz, menaire a la TAM e elegit al conselh municipal de Montpelhièr sus la lista del Front Nacional, afirma tanben que la direccion auriá promés “un netejatge especific e mai sonhat pels buses de la linha 9”, en esperant de sostractar la porcion de la linha o de la suprimir totalament.
De son costat, lo delegat sindical CGT a la TAM, Bernard Gotis, a declarat a Libération que la direccion de la CGT “a decidit de seguir aquel sindicat en suprimissent un tròç d’aquela linha de bus plan frequentada pels gitanos e de far sostractar aquel tròç de linha”.
Mas Gotis es net e clar contra aqueles prepauses: “reproduirem pas l’apartheid a Montpelhièr”, çò diguèt a Libération. “Es una vergonha. Òc, i a una marrida odor quand los gitanos son dins lo bus e o senhalam dempuèi dos ans mas aquò s’apren pas a eles. Es perque òm los abandona talament qu’an solament un robinet sur lor camp! Son pas d’animals. Devèm pas atacar los paures mas la pauretat. Aquò fariá pas que desplaçar lo problèma”, çò precisèt.
Segon la CGT, de representants del sindicat FO a la TAM an fach rintrar mai d’un bus de la linha 9 lo mes passat per protestar contra aquelas marridas odors e aurián sasit lo comitat d’igièna, de seguretat e de las condicions de trabalh (CISCT) de l’entrepresa.
Per ara, lo servici de premsa de la Metropòli de Montpelhièr a pas res dich.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ieu, demandariá un bus especal pels representants de F.O. estant que tre qu'obrisson la boca, pudís a ultradreita… çò que ven lèu irrespirable.
La demanda delh delegat de F.O. fai vergonha.
Crese que n'i a pas gran chausa de dire... Qu'es incresible e 'quò fa talament paur!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari