Actualitats
Una brava vièlha siriana blaima d’òmes de l’Estat Islamic
Sens paur de las represalhas, lor recita de vèrses de l’Alcoran e lor demanda que “tornen a Dieu”
S’es publicat sus Youtube un vidèo amb una vièlha femna siriana que blaima de combatents de l’Estat Islamic a causa dels “chaples” que fan, e ela lor recita de vèrses de l’Alcoran per fin que “tornen a Dieu”. Sens cap de paur de las represalhas, la femna afronta dialecticament los jihadistas que son dins una veitura, e sembla que son eles qu’enregistran la scèna.
Lor ditz que lor “Estat Islamic es maldich”, que recebràn pas la recompensa del Paradís a causa de “totas las gents qu’an tuat e de totes los curds chaplats” e lor ditz qu’aquò “es enebit” per l’islam. La femna recita l’Alcoran davant l’estonament dels òmes, que respondon amb de rires nervioses e d’excusas coma: “avèm pas temps per aquò, nos cal partir”. “Vosautres, diables, tornatz a Dieu!”, çò ditz la femna. “Vos juri per Dieu que pas res de çò que fasètz es dins lo camin de Dieu!”, çò apond.
Lor ditz que lor “Estat Islamic es maldich”, que recebràn pas la recompensa del Paradís a causa de “totas las gents qu’an tuat e de totes los curds chaplats” e lor ditz qu’aquò “es enebit” per l’islam. La femna recita l’Alcoran davant l’estonament dels òmes, que respondon amb de rires nervioses e d’excusas coma: “avèm pas temps per aquò, nos cal partir”. “Vosautres, diables, tornatz a Dieu!”, çò ditz la femna. “Vos juri per Dieu que pas res de çò que fasètz es dins lo camin de Dieu!”, çò apond.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una vielha valenta amb l' ànima jove. Tornau a Dieu, Dieu vol pas que tuetz tanta gent, que facetz lo que estatz fasent. Tornau a Dieu ! Brava femna, li mandi un poton per a ela.
#2 ISIS ? L'Isis divina, l'avián davant lo nas e l'an pas reconeguda… Me pausi las meteissas questons que vos, e me demandi a quin punt es fisable un document atal. S'agiriá benlèu d'una mesa en scèna, montada per de musulmans normals, pasibles, que n'an son sadol d'endurar l'isteria colectiva de DAESH ?
Bèl coratge, mas compreni pas quicòm: se, de verai, son d'òmes de l'Estat Islamic qu'enregistran lo vidèo, perqué puèi lo difusèron? Qualqu'un mai o faguèt? Impressionats per aquela dòna, se pentiguèron?
Aquí una zadista de tria! Mentre, a nòstre, un fum de vièlhs - pas totes, e se'n manca, urosament!- fan de crosièras a milierats suls immòbles flotants de "Costa d'aquòs" e vòton la familha Le Pen. Anem, n'avèm tanben de vièlhs que demòran quilhats amb dignitat coma aquesta dòna.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari