Actualitats
L’Estacion Epaciala Internacionala se prepara per recebre los primièrs toristas
La societat Space Adventures prepausa de torns espacials, dins dos ans, que se sarraràn a 100 quilomètres de la Luna
Los astronautas de l’Estacion Espaciala Internacionala (ISS) son a preparar lo sit orbital per aculhir aqueles primièrs toristas espacials. A la fin de 2017 o al començament de 2018, las capsulas de las societats Boeing e Space X i menaràn de toristas.
La societat Space Adventures prepausa de torns espacials coma “la sola oportunitat per un ciutadan privat de venir un dels grands exploraires del sègle XXI”. Aqueles torns, que sarraràn los toristas de la Luna, costaràn aperaquí 110 milions d’èuros per viatge. Lo percors pervei un viatge de la Tèrra fins al sit de l’Estacion Espaciala Internacionala, ont passaràn entre uèch e dètz jorns. En seguida, començaràn un viatge de qualques sèt jorns a l’entorn de la Luna. La nau passarà a mens de 100 quilomètres del satellit e los toristas espacials poiràn veire la Tèrra coma la vegèron los pionèrs de la mission Apollo en 1969.
Fins ara, solament 24 personas son estadas tan près de la Luna. Los darrièrs foguèron los astronautas estatsunidencs Gene Cernan e Harrison Schmitt, que dralhèron la Luna en 1972.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ben i vau anar tè !
Per la vèire passar i a una applicacion per esmartfòn ISSdetector per android sul playstore
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari