Pendent los darrièrs decennis, l’agéncia espaciala dels Estats Units, la NASA, a observat per mejan d’un satellit las transformacions mai frapantas que i a agut sus la planeta. La vasta galariá d’imatges de l’agéncia (Images of Change) tòca tota la Tèrra e mòstra l’abans e l’après de diferents endreches. Dins qualques luòcs los cambiaments son remarcables amb lo pas dels sègles, mas dins d’autres luòcs los cambiaments se pòdon veire après qualques jorns.
 
Qualques unes dels efièches del temps que passa son fruch del cambiament climatic e d’autres non. Los imatges documentan los efièches de l’urbanizacion e los degalhs dels desastres naturals coma lo fuòc o las inondacions, entretant.
 
 
1. Las granjas solaras de Califòrnia. L’imatge es de la granja solara de Topaz.
 

 
 
2. Lo trauc a la capa d’ozòn. S’es engrandit de longa dempuèi los ans 1970. A l’ora d’ara, amb la reduccion de l’emission de gases contaminants, comença de s’alentir l’expansion del trauc.
 

 
 
3. La contaminacion se redutz als Estats Units. L’imatge mòstra la concentracion de dioxid de nitrogèn de 2005 e de 2011. Los nivèls mai nauts (en roge) se son reduches.
 

 
 
4. Los glacièrs continentals d’Antartida se desintègran. L’imatge aperten al glacièr Larsen B, que se desintegrèt entièrament e qu’acabèt dins l’ocean en mens d’un mes.
 

 
 
5. Un glacièr en Alaska que recuèla. Dempuèi sa descobèrta en 1794, mantenguèt sas dimensions fins en 1980. A partir d’alavetz comencèt de recular.
 

 
 
6. La Mar d’Aral se desseca. Entre Cazacstan e Ozbequistan, la Mar d’Aral èra una dels lacs mai grands de la planeta. Es de mai en mai seca a causa, entretant, de l’usatge de son aiga per l’irrigacion.
 

 
 
7. Un incendi en Namibia. L’imatge mòstra lo lac tot sec, amb de sediments de sal, del Pargue Nacional d’Ethosa en Namibia e, al costat, la partida escura es la part cremada per un incendi que deviá èsser contrarotlat mas que s’estendèt mai que çò previst.
 

 
 
8. Las illas artificialas de Dubai. La vila de Dubai, als Emirats Arabis Units, a crescut rapidament dins las darrièras annadas. L’esplecha del torisme a fach estendre l’urbanizacion tanben cap a la mar, amb de nòvas illas artificialas bastidas en qualques annadas.
 

 
 
9. L’evolucion de l’urbanizacion de Cancún. L’aument de l’urbanizacion de Cancún, en Mexic, es estat tanben un fenomèn.
 

 
 
10. Las bòrdas ocupan la selva tropicala de Brasil. A l’oèst de Brasil, en Rondônia, i a una de las zònas de la selva d’Amazonia mai desforestada. En 1975 i mancava lo 2% de la massa forestièra e en 2009, lo 34%.