Actualitats
La religion del Mostre Espagueti Volant s’enregistra en Polonha
Los fidèls “pastafaristas” pòdon enregistrar lor “glèisa” dins lo registre oficial de las religions del país
La religion del “pastafarisme” ven oficiala en Polonha. Gràcias a una resolucion d’un tribunal de Varsòvia, la Glèisa del Mostre Espagueti Volant a la permission d’èsser enregistrada coma religion, segon çò que rapòrta The Huffington Post.
En 2013, lo Ministèri de l’Administracion de Polonha refusèt una prolongacion de dos meses als pastafaristas e, per tant, los laissèt pas acabar de presentar los documents que caliá per inclure aquela glèisa caricaturizanta dins lo registre oficial. Lo tribunal a considerat aquel fach injust e a balhat als fidèls pastafaristas la possibilitat d’èsser dins lo registre oficial.
Lo pastafarisme, qu’es aquò?
Lo pastafarisme es una parodia de religion creada pel fisician estatsunidenc Bobby Henderson, amb la tòca de demostrar ironicament que cal pas ensenhar dins las escòlas lo dessenh intelligent coma teoria scientifica en plaça de l’evolucion. Henderson pensèt aquela idèa en 2005 en responsa a la decision del Conselh Educatiu de l’Estat de Kansas d’ensenhar la creacion coma sciéncia dins lo sistèma educatiu d’aquel estat dels Estats Units.
Henderson demandèt que lo Mostre Espagueti Volant foguèsse tractat coma lo creator de tot çò qu’avèm a l’entorn. Son “Evangèli” afirma que lo Mostre Espagueti Volant, invisible e indetectable, creèt tot l’Univèrs tot bandat, e qu’al Paradís i a de volcans de bièrra. Los piratas son venerats coma los primièrs pastafaristas, e los fidèls afirman que lo constant declin del nombre de piratas long de las darrièras annadas a entraïnat una creissença significativa de la temperatura mondiala. Sas pregàrias s’acaban amb lo mot ramen, que cèrca d’èsser un jòc de mots entre lo mot amen e la sopa japonesa de fidèus.
La decision de l’estat de Kansas foguèt revocada en 2006, mas la parodia d’Henderson venguèt un fenomèn d’Internet e comencèt d’amassar de seguidors pertot. A l’ora d’ara, la tòca d’aquela “glèisa” es la critica de la regilion mejançant l’umor, e per sos seguidors, l’acceptacion oficiala es un pas endavant per la tolerància dins lo Mond.
En 2013, lo Ministèri de l’Administracion de Polonha refusèt una prolongacion de dos meses als pastafaristas e, per tant, los laissèt pas acabar de presentar los documents que caliá per inclure aquela glèisa caricaturizanta dins lo registre oficial. Lo tribunal a considerat aquel fach injust e a balhat als fidèls pastafaristas la possibilitat d’èsser dins lo registre oficial.
Lo pastafarisme, qu’es aquò?
Lo pastafarisme es una parodia de religion creada pel fisician estatsunidenc Bobby Henderson, amb la tòca de demostrar ironicament que cal pas ensenhar dins las escòlas lo dessenh intelligent coma teoria scientifica en plaça de l’evolucion. Henderson pensèt aquela idèa en 2005 en responsa a la decision del Conselh Educatiu de l’Estat de Kansas d’ensenhar la creacion coma sciéncia dins lo sistèma educatiu d’aquel estat dels Estats Units.
Henderson demandèt que lo Mostre Espagueti Volant foguèsse tractat coma lo creator de tot çò qu’avèm a l’entorn. Son “Evangèli” afirma que lo Mostre Espagueti Volant, invisible e indetectable, creèt tot l’Univèrs tot bandat, e qu’al Paradís i a de volcans de bièrra. Los piratas son venerats coma los primièrs pastafaristas, e los fidèls afirman que lo constant declin del nombre de piratas long de las darrièras annadas a entraïnat una creissença significativa de la temperatura mondiala. Sas pregàrias s’acaban amb lo mot ramen, que cèrca d’èsser un jòc de mots entre lo mot amen e la sopa japonesa de fidèus.
La decision de l’estat de Kansas foguèt revocada en 2006, mas la parodia d’Henderson venguèt un fenomèn d’Internet e comencèt d’amassar de seguidors pertot. A l’ora d’ara, la tòca d’aquela “glèisa” es la critica de la regilion mejançant l’umor, e per sos seguidors, l’acceptacion oficiala es un pas endavant per la tolerància dins lo Mond.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3
La Gleisa Jedi crei qu'i a una vigor granda que fai lu liam dins totas chausas dins lu 'nivers grand.
La Gleisa Jedi es un quauquares que portem en n'autres desempuei la naissença.
La Gleisa Jedi creu que l'eime es ereditarí.
Adonc, fau calmar vòstre esperit e estre d'escostar la Fòrça en dedins de vos.
http://www.jedichurch.com/
Soi pas pus de la glèisa de JP II, mas se la glèisa del macarròni ven cap aici me ne farai!
Una condicion: que se pòsca manjar de buòu, de saucissòt e de peis fòra lo divendres.
#1 Ramen
I avia pas a la botar dins una gabia "religion". Deman, i aura pus la sciença materialista d'un costat e de l'autre la religion. Quò sera tot simplament la coneisença.
I a belcòp d'equidés dins lo monde e en França que disan que la matiera es creada a partir de la consciença. Me sei mesme laissar dire qu'i avia pas una consciença per chacun mas que tot lo monde era ligat a la mesma consciença. La victime, lo bureu, lo romancier que parla de l'assasinat, lo monde que lo legissa quo es la mesma consciença que juga e que fabrica. I a de las victimas, daus borreus e d'autres personatges. La sciença , subretot aquela tirada de las equacions d'Einstein, dich que qu'es possible. Jamai la sciença a desmontrat que l'inteligença era nascuda de la matiera.
I a d'autras fòrmas de vista extra-terestra que son dins de las frequenças que nos permet pas de la veire. Per en saber mai un site sur internet : "Legrandchangement"
Manca lu liam dau site d'aquela 'gleisa :
http://www.venganza.org/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari