Actualitats
Decepcion en Alsàcia, lo president gausa pas convocar un referendum
Unser Land acusa lo govèrn regional d’èsser somés al “diktat” de París. Planh que la nòva region s’impause contra la volontat dels elegits e del pòble alsacian
Los autonomistas d’Alsàcia se sentisson decebuts après que lo president del conselh regional, Philippe Richert, aja anonciat que convocarà pas cap de referendum perque n’a pas la competéncia. Lo collectiu Alsace Retrouve ta Voix a amassat mai de 100 000 signaturas per demandar al conselh regional d’Alsàcia de convocar un referendum amb la question seguenta: “Desiratz que la region d’Alsàcia demande a l’Estat d’experimentar una nòva organizacion territoriala d’Alsàcia?”.
Segon d’informacions de Nationalia, Unser Land a plangut la “manca d’audàcia politica” per celebrar un vòte sus l’avenir d’aquel territòri, qu’a partir del 1r de genièr de 2016 serà unificat amb Lorena e Champanha-Ardena per far una granda macroregion de l’Èst de França.
Segon Richert, lo nombre de signaturas amassadas sufís pas. E mai se o foguèsse, “las autoritats alsacianas an pas las competéncias per convocar un vòte sus una matèria qu’es competéncia de l’estat francés”, çò ditz. En mai d’aquò, lo fach que i aja d’eleccions regionalas en decembre de 2015 fa qu’en pas cap de cas se pòsca complir los relambis requerits per la celebracion d’un referendum, que se deu far almens amb sièis meses d’anticipacion, sens comptar divèrsas proceduras prèvias.
“Malgrat l’eventualitat d’un recors, un referendum auriá refortit la posicion teorica dels nòstres representants contra la fusion”, çò ditz Unser Land, qu’acusa lo president UMP de la region d’èsser “somés al «diktat» parisenc”. Los autonomistas remembran que la fusion regionala “es estada impausada en Alsàcia sens l’opinion favorabla d’un sol de sos parlamentaris, e contra l’opinion del 95% dels sieus conselhièrs regionals e generals”.
Segon d’informacions de Nationalia, Unser Land a plangut la “manca d’audàcia politica” per celebrar un vòte sus l’avenir d’aquel territòri, qu’a partir del 1r de genièr de 2016 serà unificat amb Lorena e Champanha-Ardena per far una granda macroregion de l’Èst de França.
Segon Richert, lo nombre de signaturas amassadas sufís pas. E mai se o foguèsse, “las autoritats alsacianas an pas las competéncias per convocar un vòte sus una matèria qu’es competéncia de l’estat francés”, çò ditz. En mai d’aquò, lo fach que i aja d’eleccions regionalas en decembre de 2015 fa qu’en pas cap de cas se pòsca complir los relambis requerits per la celebracion d’un referendum, que se deu far almens amb sièis meses d’anticipacion, sens comptar divèrsas proceduras prèvias.
“Malgrat l’eventualitat d’un recors, un referendum auriá refortit la posicion teorica dels nòstres representants contra la fusion”, çò ditz Unser Land, qu’acusa lo president UMP de la region d’èsser “somés al «diktat» parisenc”. Los autonomistas remembran que la fusion regionala “es estada impausada en Alsàcia sens l’opinion favorabla d’un sol de sos parlamentaris, e contra l’opinion del 95% dels sieus conselhièrs regionals e generals”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Espanha es de pertot, o se o preferitz en neo-francés: "Spain is everywhere".
Lo Richert se descofla! E ben, l'Elisèu e Matinhon an pas besonh de mostrar los muscles coma lo Raxoi e sa clica! De qué dison los catalans? Cames seques i cul cagat?
Aquò dich, a cò dels politicians nòstres aquò bolega encara mens. Avètz ausit parlar d'un referendum d'aquesta mena?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari