Actualitats
Jornada mondiala d’accion contra lo TTIP
De milièrs de personas an manifestat per carrièras dins las principalas vilas del Mond, e tanben en Occitània, contra lo tractat transatlantic de liure escambi
De milièrs de personas manifestèron dissabte per carrièras en respondent a la crida que s’èra facha contra lo TTIP, lo Partenariat Transatlantic de Comèrci e Investiment: aquel tractat que cèrca de crear un granda Aira Transatlantica de Liure Escambi (TAFTA). Mentre que son a negociar l’Union Europèa e los Estats Units, se debanèt dissabte una jornada de mobilizacion globala dins lo Mond entièr que se passèt tanben dins la majoritat de las vilas d’Occitània, amb la tòca d’alertar de la menaça que lo TTIP incplica. Los manifestants denóncian que los partisans del TTIP son a negociar d’amagat dels ciutadans e qu’aquel acòrdi “menaça la sobeiranetat dels pòbles, los dreches de las personas e la sostenabilitat de la planeta”.
La jornada de ièr cercava de far pression dins un moment clau. Lo mes que ven la comission parlamentària del comèrci internacional del Parlament Europèu començarà lo periòde de ratificacions. Aquela comission deu redigir las recomandacions del parlament a partir d’un rapòrt redigit pel deputat socialdemocrata alemand Bernd Lange. Diluns passat, los eurodeputats debatèron los 898 emendaments qu’òm a presentat al rapòrt, e lo vòte es previst per la fin de mai, quand d’autras tretze comissions europarlamentàrias auràn dich lor vejaire. Los eurodeputats an previst de debatre e votar la posicion oficiala de l’Europarlament abans l’estiu. Puèi, l’acòrdi lo deuràn aprovar los govèrns de l’Union Europèa e mai lo Parlament Europèu. Solament après aquò, lo TTIP intrariá en vigor. Los eurodeputats an ja avertit qu’aprovaràn pas l’acòrdi a quin prètz que siá e que fixaràn lor atencion sus las questions d’alimentacion.
Lo TTIP, qu’es aquò?
L’Union Europèa e los Estats Units vòlon arribar dempuèi longtemps a un acòrdi transatlantic per crear un grand espaci de liure escambi, e sembla qu’aqueste còp avançarà. Mas la question a levat de polemicas e d’oposicions: d’activistas e de formacions d’esquèrra del Mond entièr an lançat de campanhas contra lo dich TTIP. Mas qu’es aquò? Que se’n sap? Quals beneficis se’n vòl traire? I a de fondaments per creire que se retalharà de dreches professionals dels europèus, que se dobrirà la pòrta a la carn amb d’ormònas e que se privatizarà los servicis publics? La jornalista Bel Zaballa de Vilaweb publiquèt una analisi qu’ensaja de respondre a las dètz questions principalas. Aquel article lo publiquèrem tanben en occitan sus Jornalet.
Tocant los movements occitanistas, Libertat a una posicion clara contra aquel tractat.
Vidèo: Mobilizacion a Niça, per France 3
La jornada de ièr cercava de far pression dins un moment clau. Lo mes que ven la comission parlamentària del comèrci internacional del Parlament Europèu començarà lo periòde de ratificacions. Aquela comission deu redigir las recomandacions del parlament a partir d’un rapòrt redigit pel deputat socialdemocrata alemand Bernd Lange. Diluns passat, los eurodeputats debatèron los 898 emendaments qu’òm a presentat al rapòrt, e lo vòte es previst per la fin de mai, quand d’autras tretze comissions europarlamentàrias auràn dich lor vejaire. Los eurodeputats an previst de debatre e votar la posicion oficiala de l’Europarlament abans l’estiu. Puèi, l’acòrdi lo deuràn aprovar los govèrns de l’Union Europèa e mai lo Parlament Europèu. Solament après aquò, lo TTIP intrariá en vigor. Los eurodeputats an ja avertit qu’aprovaràn pas l’acòrdi a quin prètz que siá e que fixaràn lor atencion sus las questions d’alimentacion.
Lo TTIP, qu’es aquò?
L’Union Europèa e los Estats Units vòlon arribar dempuèi longtemps a un acòrdi transatlantic per crear un grand espaci de liure escambi, e sembla qu’aqueste còp avançarà. Mas la question a levat de polemicas e d’oposicions: d’activistas e de formacions d’esquèrra del Mond entièr an lançat de campanhas contra lo dich TTIP. Mas qu’es aquò? Que se’n sap? Quals beneficis se’n vòl traire? I a de fondaments per creire que se retalharà de dreches professionals dels europèus, que se dobrirà la pòrta a la carn amb d’ormònas e que se privatizarà los servicis publics? La jornalista Bel Zaballa de Vilaweb publiquèt una analisi qu’ensaja de respondre a las dètz questions principalas. Aquel article lo publiquèrem tanben en occitan sus Jornalet.
Tocant los movements occitanistas, Libertat a una posicion clara contra aquel tractat.
Vidèo: Mobilizacion a Niça, per France 3
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
M'agrada de veire que los occitanistes (e pas solament ilh, ) denonçan lo tractat enre Europe e America dau nòrd. M'agrada l'article de Libertat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari