Un autre naufragi al sud de l’illa siciliana de la Lampedosa poiriá venir la pièger tragèdia de la Mediterranèa. Un vaissèl de pesca, que menava sèt cents personas que venián d’Egipte, se reversèt a mièjanuèch de diluns a dimenge davant la còsta de Libia, mentre que se trobava a 190 quilomètres de la còsta de la Lampedosa. Lo Naut Comissariat de l’ÒNU de las Migracions dins la Mediterranèa a remembrat la mòrt de 366 personas arunan tanben davant la còsta de la Lampedosa.
 
Segon divèrsas informacions, lo vaissèl mandèt un senhal de secors e un vaissèl marchand de bandièra portuguesa se’n sarrèt per los ajudar. Sembla qu’es alavetz que las gents del petit vaissèl de pesca se placèron totes sus un dels costats, çò que provoquèt lo reversament del batèl.
 
La tragèdia seguís la de dimars passat, quand una autra barca naufraguèt près de la còsta de Libia amb quatre cents immigrants a bòrd.
 
Solament dempuèi 2009, mai de cinc mila personas son mòrtas dins las aigas de la Mediterranèa, un camin plen de tombas, coma o remembràvem dins Jornalet en octòbre de 2013.
 
 
 

---

D’informacions suls jornals italians:
 
— La Repubblica: Almeno 700 migranti morti in un naufragio a nord della Libia, solo 28 superstiti: tragedia più grande di sempre. Ventitre i cadaveri recuperati
 
— Il Corriere della Sera: Canale di Sicilia, naufraga peschereccio: si temono 700 morti
 
— La Stampa: Affonda barcone, si temono 700 migranti morti Sarebbe la più grande tragedia del Mediterraneo