Actualitats
Riumas: an reglat en comissariat un afar de cort de recreacion
Un dròlle de 9 ans interrogat pels gendarmas per aver tirat los pels d’una dròlla. Lo pichon vòl pas tornar a l’escòla
Un enfant de 9 ans l’interroguèron dins una gendarmariá pr’amor qu’aviá tirat los cabels de son amiga dins la cort de recreacion. Aquò se passèt a Riumas (Gasconha Tolosana) lo 9 d’abril passat, çò a raportat France Info .
La maire de la pichona faguèt sa denóncia a la gendarmariá e lo dròlle se deguèt explicar als gendarmas.
Los parents del dròlle son en colèra. Creson que de far sa denóncia a la gendarmariá per una istòria de cort de recreacion, aquò passa l’òsca. “Uei qu’ei traumatizat”, çò expliquèt la maire. “Qu’ei chocat. Estèc entrevistat tot sol a la gendarmariá pendent mei de 30 minutas”, çò precisèt. “Quand l’anèri arrecuperar, que plorava. Quand sortiguèri de la gendarmariá qu’arrefusèc de tornar a l’escòla. Que l’èi miat en çò deus mens grands entà ensajar que descompresse un pauc”.
L’afar foguèt fin finala classificat sens cap de seguida. Mas lo dròlle vòl pas tornar a l’escòla e an decidit de lo menar en cò d’un psicològ.
La maire de la pichona faguèt sa denóncia a la gendarmariá e lo dròlle se deguèt explicar als gendarmas.
Los parents del dròlle son en colèra. Creson que de far sa denóncia a la gendarmariá per una istòria de cort de recreacion, aquò passa l’òsca. “Uei qu’ei traumatizat”, çò expliquèt la maire. “Qu’ei chocat. Estèc entrevistat tot sol a la gendarmariá pendent mei de 30 minutas”, çò precisèt. “Quand l’anèri arrecuperar, que plorava. Quand sortiguèri de la gendarmariá qu’arrefusèc de tornar a l’escòla. Que l’èi miat en çò deus mens grands entà ensajar que descompresse un pauc”.
L’afar foguèt fin finala classificat sens cap de seguida. Mas lo dròlle vòl pas tornar a l’escòla e an decidit de lo menar en cò d’un psicològ.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò's la desbaruta del "viure ensem"! Cal restablir la guilhotina miladieu!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari