La setmana passada, d’estudiants del gra d’estudis catalans e occitans de l’Universitat de Lhèida faguèron un sojorn a l’Universitat Joan Jaurés de Tolosa per aprigondir lors coneissenças de lenga e literatura occitanas e per conéisser de près la realitat del país.
 
Los universitaris catalans aguèron l’escasença d’assistir a divèrsas sessions sus la lenga d’òc de l’universitat mondina, del temps que los estudiants de Tolosa seràn aculhits pels catalans dins una segonda partida d’aquel rescontre que se debanarà lo mes de mai que ven.
 
Segon çò que rapòrta lo blòg de la Cadièra d’Estudis Occitans a l’Universitat de Lhèida, aqueles rescontres dobrisson la pòrta a un procès d’interaccion entre las doas universitats, que ja an signat un acòrdi europèu dins aquel sens.