Actualitats
Pau: se multa los marginals per “ocupacion abusiva dels espacis publics”
Après l’installacion de camèras de vigilància per carrièras, la comuna de Pau accentua la pression sus las personas marginalas
La comuna de Pau comença de multar per ocupacion abusiva dels espacis publics, en tot accentuar la pression suls marginals, segon çò que rapòrta Sud-Ouest. Aquel jornal remarca qu’un cèrt nombre de personas sens argent son multadas per “ocupacion abusiva e prolongada dels trepadors e espacis publics”.
“Que hè dètz ans que soi ací e tots que’m coneishen per estar quauqu’un de pasible. Que preni un PV per 50 minutas de preséncia. De qui se trufan?”, çò ditz a Sud Ouest una victima d’aquelas multas. De son costat, la comuna paulina assumís aquela politica consistissent a descoratjar los marginals. “Comptam d’emplegar de mei en mei las aisinas que prepausa la lei. Las verbalizacions an vocacion de desvolopà’s e be comptam d’ac méter tot entà anar dinc au cap de las proceduras”, çò declara Marc Cabane, adjonch al cònsol en carga de la seguretat.
Lo cònsol de Pau, François Bayrou, aviá ja començat son mandat en installant de camèras de “videoproteccion” a la capitala de Bearn e se prepara a far de nòvas anóncias en politica de seguretat.
“Que hè dètz ans que soi ací e tots que’m coneishen per estar quauqu’un de pasible. Que preni un PV per 50 minutas de preséncia. De qui se trufan?”, çò ditz a Sud Ouest una victima d’aquelas multas. De son costat, la comuna paulina assumís aquela politica consistissent a descoratjar los marginals. “Comptam d’emplegar de mei en mei las aisinas que prepausa la lei. Las verbalizacions an vocacion de desvolopà’s e be comptam d’ac méter tot entà anar dinc au cap de las proceduras”, çò declara Marc Cabane, adjonch al cònsol en carga de la seguretat.
Lo cònsol de Pau, François Bayrou, aviá ja començat son mandat en installant de camèras de “videoproteccion” a la capitala de Bearn e se prepara a far de nòvas anóncias en politica de seguretat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quau cònse, que coneissem tots, deuriá aver v-onta de faire coma quò d'embei queu monde de la charreira! Qu-es enquera de mesuras que serviran de ren, pardeque podran pas e vodran pas paiar...
E z-auran ben rason! Son de de mesuras contre-democraticas e racistas!!!
Ieu, z-ai enveja de credar "sem tot de zonaires!" ;-)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari