Actualitats
Lo prefècte de Provença refusa de mençonar l’occitan dins lo CPER
Mas aquel contracte es somés a enquèsta publica e los ciutadans de la region pòdon respondre
Michel Cadot, prefècte de la region de Provença-Alps-Còsta d’Azur, a refusat d’inclure l’occitan dins lo contracte de plan estat-region 2015-2020 (CPER), una demanda que faguèt oficialament Hervé Guerrera, conselhièr municipal d’oposicion a Ais de Provença e conselhièr regional. Guerrera demanda que dins lo CPER se mençone que “l’occitan o lenga d’òc, dins sei varietats provençalas, aupencas e niçardas, es la lenga de la nòstra region, e atanben lei lengas portadas per lei generacions de migrants qu’an fach soca dins lo territòri regionau”.
Ça que la, lo CPER es actualament somés a enquèsta publica. Es a dire, que totes los ciutadans de la region nomenada Provença-Alps-Còsta d’Azur an drech de s’exprimir fins al 3 de mai de 2015. Per reagir se pòt mandar un simple corrièr electronic a sgar-observations-cper@paca.pref.gouv.fr amb un tèxt que, segon Guerrera, poiriá èsser lo seguent:
Ça que la, lo CPER es actualament somés a enquèsta publica. Es a dire, que totes los ciutadans de la region nomenada Provença-Alps-Còsta d’Azur an drech de s’exprimir fins al 3 de mai de 2015. Per reagir se pòt mandar un simple corrièr electronic a sgar-observations-cper@paca.pref.gouv.fr amb un tèxt que, segon Guerrera, poiriá èsser lo seguent:
| Sénher Prefècte, Demandi que la promocion de la nòstra lenga regionala (occitan/lenga d’òc dins sei varietats provençalas, aupencas e niçardas) siá inscricha dins lo contracte de plan estat-region 2015-2020. Ma cambada es motivada per lo fach que lei CPER d’autrei regions (Bretanha, Aquitània, Corsega...) mençonan explicitament l’importància d’aquela contribucion lingüistica dins l’atractivitat e la sociabilitat dei regions concernidas. En nom de l’egalitat republicana, en nom de l’article 75-1 de la Constitucion, vos demandi, Sénher Prefècte, de donar drech a ma demanda. Ben coralament Nom d’ostau - Prenom | Monsieur le Préfet, Je demande que la promotion de notre langue régionale (occitan/langue d’oc dans ses variétés provençales, alpines et niçoises) soit inscrite dans le contrat de plan état-région 2015-2020. Ma démarche est motivée par le fait que les CPER d’autres régions (Bretagne, Aquitaine, Corse...) mentionnent explicitement l’importance de cet apport linguistique dans l’attractivité et la sociabilité des régions concernées. Au nom de l’égalité républicaine, au nom de l’article 75-1 de la Constitution, je vous demande, Monsieur le Préfet, de donner droit à ma demande. Bien cordialement Nom - Prénom |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquí parlam pas solament de se plànher mas de reconeisser l'italian (?), l'espanhòl (?), l'arab (?), lo berbèr (?)... e tanben l'occitan (!), òsca per l'engana e lo prefech dis de non, quina suspresa...
#11 Fan pas mestièr tanpauc los que se planhon de los que se planhon.
"Los occitanistas son pas nombroses e pas forts" : Aquò rai, l'occitan as subretot besonh de locutors nòus, pas de militants que se plànhon dempuèi de deseniás.
#6 La prioritat, dins una vision clara dels vertadièrs problèmas, es de demandar l'"egalitat republicana" entre las populacions occitanas e francesas, e donc entre las lengas d'aquelas populacions, valent a dire, entre l'usatge public de l'occitan e l'usatge public del francés.
La letra tipe d'Arvèi Guerrera demanda l'"egalita republicana" solament per una ridicula mençon de l'occitan dins un tèxt burocratic que degun legís pas e que cambiariá pas res a la situacion de l'occitan. Manteni qu'es una pèrda de temps e un refús de s'atacar als problèmas mai fondamentals.
Los occitanistas son pas nombroses e pas fòrts, se devon concentrar sus los vertadièrs problèmas.
#4 Me pensi que faudriá demandar aquò a Arvei Guerrera. Deu saupre se lo prefècte donèt una rason (que deu èstre, me pensi au còp lei quatre qu'as prepausadas)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari