Actualitats
Lo boson d’Higgs transformat en un sòlo d’heavy metal
Un fisician a transformat en sons las donadas amassadas pel CÈRN pendent la descobèrta del boson d’Higgs
Piotr Traczyk es un fisician polonés que dins sas oras de trabalh se consagra a analisar de donadas provenent de l’Organizacion Europèa per la Recèrca Nucleara (CÈRN) de Genèva. Mas dins son temps de léser, çò que li agrada es la musica heavy metal. Per tant es pas estonant qu’aja jongut sa profession e sa passion dins un projècte plan personal: transformar en musica las donadas amassadas pendent la descobèrta del boson d’Higgs al CÈRN, en 2012.
La particion que n’a extrach, l’a interpretada en duo de guitarras e lo resultat es un riff d’heavy metal pro acceptable:
Qu’es aquò lo boson d’Higgs?
En 1964, un fisician britanic apelat Peter Higgs prepausèt l’existéncia d’un camp invisible, mas present dins tot l’univèrs dempuèi lo Big Bang, qu’èra responsable de donar de massa a las causas. Per comprene aquela idèa, qualques divulgators scientifics se servisson de la metafòra de la piscina. Imaginatz-vos que l’univèrs es una piscina grandassa ont tot çò qu’avança dins l’aiga tròba de resisténcia. Las particulas que tròban fòrça resisténcia, es pr’amor qu’an mai de massa; e las que ne tròban pas, an pas cap de massa, coma es lo cas dels fotons de la lutz. En aquela metafòra, las moleculas de l’aiga de la piscina serián l’equivalent dels bosons de l’univèrs d’Higgs.
L’an pas jamai observat fins ara, mas, segon las teorias scientificas dels ans 60, lo boson d’Higgs aguèt un ròtle fondamental dins l’evolucion de l’univèrs just après l’explosion iniciala coneguda coma “Big Bang”. Es la pèça que manca per completar lo puzzle nomenat modèl estandard de la fisica de particulas: qu’explicariá cossí son e cossí interagisson las particulas elementàrias, es a dire, perqué l’univèrs es aital. Es pr’amor d’aquò que, se se confirma la trobalha, s’agirà d’una descobèrta de las grandas dins l’encastre de la sciéncia. Fa de decennis que de scientifics del Mond entièr i trabalhan.
Ça que la, se se determina que lo boson existís pas, los scientifics se veiràn obligats d’elaborar una teoria scientifica nòva per explicar lo còsmos.
L’11 de febrièr passat se publiquèt una descubèrta pro importanta dins la comprenesion del boson d’Higgs, que Julien Frison la raportèt dins Jornalet.
La particion que n’a extrach, l’a interpretada en duo de guitarras e lo resultat es un riff d’heavy metal pro acceptable:
Qu’es aquò lo boson d’Higgs?
En 1964, un fisician britanic apelat Peter Higgs prepausèt l’existéncia d’un camp invisible, mas present dins tot l’univèrs dempuèi lo Big Bang, qu’èra responsable de donar de massa a las causas. Per comprene aquela idèa, qualques divulgators scientifics se servisson de la metafòra de la piscina. Imaginatz-vos que l’univèrs es una piscina grandassa ont tot çò qu’avança dins l’aiga tròba de resisténcia. Las particulas que tròban fòrça resisténcia, es pr’amor qu’an mai de massa; e las que ne tròban pas, an pas cap de massa, coma es lo cas dels fotons de la lutz. En aquela metafòra, las moleculas de l’aiga de la piscina serián l’equivalent dels bosons de l’univèrs d’Higgs.
L’an pas jamai observat fins ara, mas, segon las teorias scientificas dels ans 60, lo boson d’Higgs aguèt un ròtle fondamental dins l’evolucion de l’univèrs just après l’explosion iniciala coneguda coma “Big Bang”. Es la pèça que manca per completar lo puzzle nomenat modèl estandard de la fisica de particulas: qu’explicariá cossí son e cossí interagisson las particulas elementàrias, es a dire, perqué l’univèrs es aital. Es pr’amor d’aquò que, se se confirma la trobalha, s’agirà d’una descobèrta de las grandas dins l’encastre de la sciéncia. Fa de decennis que de scientifics del Mond entièr i trabalhan.
Ça que la, se se determina que lo boson existís pas, los scientifics se veiràn obligats d’elaborar una teoria scientifica nòva per explicar lo còsmos.
L’11 de febrièr passat se publiquèt una descubèrta pro importanta dins la comprenesion del boson d’Higgs, que Julien Frison la raportèt dins Jornalet.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo boson de Higgs es pas l'embonilh de l'univers.
Mas, si la sciença zo dich, si lo politic z'a cregut, si los medias catan los scientifics que son pas d'accòrd emben aquel biais de cerchar!...
"Ça que la, se se determina que lo boson existís pas, los scientifics se veiràn obligats d’elaborar una teoria scientifica nòva per explicar lo còsmos."
=> Fa uneis anadas qu'es confirmada experimentalament l'existença dau boson de Higgs. Es perque era confirmada, ambé lo criteri estatistic "5 sigmas", que Higgs recebèt lo premi Nobel. Aro la question es qu'es qu'es lo boson de Higgs, qué es son estructura e qué son seis interaccions.
"L’11 de febrièr passat se publiquèt una descubèrta pro importanta dins la comprenesion del boson d’Higgs, que Julien Frison la raportèt dins Jornalet. "
=> En fach l'important es qu'era PAS sus lo boson de Higgs, e pas sus lo LHC tanpauc. Era sus l'interaccion nucleara, qu'es lo principau creator de massa dau monde (lo Higgs es "la ceriesa sus lo pastís") e qu'es pas encara totalament mestrejada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari