Lucian Durand, grand defensor de l’occitan en Provença, nos a quitats
Lucian Durand ven de morir lo 19 d’abril, dins sos 85 ans. Èra majoral del Felibritge e teniá un ròtle fòrça important dins divèrsas iniciativas per desvolopar l’usatge de l’occitan en Provença
Èra membre fondador de l’Associacion dels Ensenhaires de Lenga d’Òc (AELÒC), qu’es la seccion de la FÈLCO dins l’acadèmia d’Ais-Marselha. Tanben aviá cofondat lo Centre d’Oralitat de la Lenga d’Òc (COLÒC) a Ais de Provença. E mai representava lo Felibritge dins lo comitat director de Vaquí, l’emission de television en occitan de France 3 en Provença.
Dins totas las manifestacions e iniciativas per desvolopar l’occitan, Lucian Durand s’afanava per aliar totes los corrents del provençalisme al sens larg: tant los usatgièrs de la grafia mistralenca —qu’el la practiva— coma los partisans de la grafia classica.
Aquestes darrièrs ans, aviá demostrat dins divèrses articles que lo Felibritge e lo mistralisme son indissociables d’una vision unitària de la lenga occitana.
Los comunicats son unanims per plorar lo decès de Lucian Durand e per ramentar son òbra constructiva.
Sas funeralhas auràn luòc aqueste dijòus 23 d’abril a 10 oras 30 al Martegue, a la glèisa Sant Genèst, e mai a 15 oras 30 a la glèisa de Malhana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Comentaris
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari