Brigitte Bonnet, o Brigi segon son nom d’artista, pinta dempuèi quinze ans e expausa unicament al país d’Arièja. Sos tablèus son dins de colors fòrça luminosas. De fach, Brigi es colorista e pinta de tèmas de tota sòrta: retraches, païsatges, animals, monuments... tot dins un estil plan particular e unic: mescla l’art ninòi e l’art figuratiu sus la meteissa tela.
 
Dins son sit Internet podèm remarcar que l’artista a d’autras passions: es art-terapèuta, escrivana e illustraira.
 
Son exposicion venenta serà a la fin d’agost a la Vila d’Ax (Savartés): dins la Capèla Sant Jiròni seràn visiblas un centenat de telas.