La companhiá occitana d’avions Airbus anoncièt diluns passat, lo 9 de julhet, lo lançament d’una nòva version melhorada del sieu A330.

Del temps que Boeing ven lo numèro un mondial en 2012, John Leahy, director comercial del grop Airbus, aprofechèt del salon annal d’aeronautica de Farnborough (Anglatèrra) per o far public.
 
Mercés a una nòva concepcion de las siás alas, l’A330 poirà sosténer a una carga maximala de 240 tonas: “aquela capacitat de 240 tonas s’aplicarà en principi a l’A330-300 de mai granda capacitat, e après als A330-200 e A330-200F” çò diguèt Airbus dins un comunicat. Es una innovacion que permetrà d’estendre significativament lo posicionament de la familha A330 sul mercat.
 
D’autre costat, poirà volar per 11 020 quilomètres, contra 8800 quilomètres de portada maximala per l’actual A330-300.
 
“Aquel nòu A330-300, d’ara endavant, poirà connectar Londres amb Tòquio, Francfòrt amb Ciutat del Cap, Pequin amb San Francisco o Kuala Lumpur amb París”. Lo novèl aparelh non sonque poirà percórrer de distàncias mai longas mas serà una alternativa economica fàcia al B787 dins de nombrosas linhas. La filiala d’EADS a fach saber que, per ara, tres companhiás aerianas s’i son interessadas.