Actualitats
Nepal: ara son mai de 4000 los mòrts a causa del tèrratrem
I a mai de 6 500 ferits. Fòrça ciutadans de Katmandó an perdut lor ostal
Arriban totjorn de nòvas tristas per rapòrt als efièches del tèrratrem de Nepal. Lo nombre de mòrts despassa ja los 4000, segon lo darrièr recompte de las autoritats oficialas. I a tanben de nombroses ferits: aperaquí 6500. Son pas de donadas definitivas e plan probable contunharàn d’aumentar.
Es lo resultat d’un fòrt sisme, que foguèt dissabte de 7,8 gras a l’escala de Richter, amb l’epicentre plaçat entre Katmandó e Pokhara. Lo tremolís se sentiguèt fins a las vilas indianas de Nòva Delhi e Calcuta, e quitament fins a la frontièra de Paquistan. Atanben, i a agut de replicas nombrosas e violentas, qu’una a despassat los 6 gras e se sentiguèt en Nepal, Índia e Bangladèsh.
Las còlas de salvament de l’armada e de las autoritats nepalesas, refortidas amb l’arribada d’efectius d’Índia, contunhan de trabalhar, sustot a Katmandó, la capitala de país e una de las zònas mai afectadas. En aquel ponch, fòrça ciutadans an perdut l’ostal a causa dels escrancaments de bastissas.
A causa dels escrancaments e de paur de tornar dins los ostals que son pas estats degalhats, de centenats de milièrs de personas se lòtjan temporàriament dins de tendas. Lo govèrn de Nepal a declarat l’estat d’emergéncia dins las zònas afectadas e a sollicitat d’assisténcia umanitària.
A Katmandó d’edificis se son escrancats. Entre las construccions afectadas i a la famosa Tor de Dharahara, del sègle XIX, reconeguda per son importància arquitecturala per l’UNÈSCO: ailà un cinquantenat de personas son restadas blocadas sota los tarcums.
Al principal espital de Katmandó son arribats de centenats de ferits. Los ciutadans ferits espèran per carrièras las possiblas novèlas replicas del sisme. Ja se n’es enregistrat una dotzena, que quatre d’entre elas èran superioras als 5 gras.
Granda avalanca a Chomolangma
Lo terratrem tanben a provocat d’avalancas dins la zòna de Chomolangma (lo Mont Everest). Aquelas avalancas aurián submergit qualques campaments ocupats per d’expedicions chinesas e japonesas. Un pòrtavotz del Ministèri del Torisme nepalés a confirmat la mòrt de dètz personas. Puèi la chifra a aumentat fins a 17 mòrts almens.
Es lo resultat d’un fòrt sisme, que foguèt dissabte de 7,8 gras a l’escala de Richter, amb l’epicentre plaçat entre Katmandó e Pokhara. Lo tremolís se sentiguèt fins a las vilas indianas de Nòva Delhi e Calcuta, e quitament fins a la frontièra de Paquistan. Atanben, i a agut de replicas nombrosas e violentas, qu’una a despassat los 6 gras e se sentiguèt en Nepal, Índia e Bangladèsh.
Las còlas de salvament de l’armada e de las autoritats nepalesas, refortidas amb l’arribada d’efectius d’Índia, contunhan de trabalhar, sustot a Katmandó, la capitala de país e una de las zònas mai afectadas. En aquel ponch, fòrça ciutadans an perdut l’ostal a causa dels escrancaments de bastissas.
A causa dels escrancaments e de paur de tornar dins los ostals que son pas estats degalhats, de centenats de milièrs de personas se lòtjan temporàriament dins de tendas. Lo govèrn de Nepal a declarat l’estat d’emergéncia dins las zònas afectadas e a sollicitat d’assisténcia umanitària.
A Katmandó d’edificis se son escrancats. Entre las construccions afectadas i a la famosa Tor de Dharahara, del sègle XIX, reconeguda per son importància arquitecturala per l’UNÈSCO: ailà un cinquantenat de personas son restadas blocadas sota los tarcums.
Al principal espital de Katmandó son arribats de centenats de ferits. Los ciutadans ferits espèran per carrièras las possiblas novèlas replicas del sisme. Ja se n’es enregistrat una dotzena, que quatre d’entre elas èran superioras als 5 gras.
Granda avalanca a Chomolangma
Lo terratrem tanben a provocat d’avalancas dins la zòna de Chomolangma (lo Mont Everest). Aquelas avalancas aurián submergit qualques campaments ocupats per d’expedicions chinesas e japonesas. Un pòrtavotz del Ministèri del Torisme nepalés a confirmat la mòrt de dètz personas. Puèi la chifra a aumentat fins a 17 mòrts almens.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari