Actualitats
Los omosexuals pòdon èsser excluses de donar de sang, segon la justícia europèa
Lo Tribunal de l’UE sosten una senténcia francesa sul cas d’un ciutadan enebit de donar de sang perque es gai
La Cort de Justícia de l’Union Europèa considèra que los omosexuals pòdon èsser excluses permanentament de la donacion del sang. Es çò qu’a considerat una senténcia que ditz qu’un estat membre pòt exclure de manièra permanenta un òme qu’aja mantengut de relacions sexualas amb d’autres òmes, se considèra que i a “un naut risc” de contractar de malautiás infecciosas. Per tant, segon aquel tribunal, “es precís de demostrar qu’aquelas personas son expausadas a un risc elevat de contractar de malautiás infecciosas grèvas, coma lo VIU (virus de l’immunodeficiéncia umana), e que i a pas de tecnicas eficaças de deteccion ni de metòdes coercitius per garentir un naut nivèl de proteccion de la salut dels receptors”.
La senténcia respond a un cas, lo d’un ciutadan francés que li permetèron pas de donar de sang per aver agut una relacion sexuala amb un autre òme. Lo drech dins l’estat francés permet d’exclure permanentament de la donacion de sang los òmes qu’ajan de relacions amb d’autres òmes. E un tribunal d’Estrasborg demandava a la cort de l’UE s’aquela exclusion èra compatibla amb la directiva de l’UE.
La responsa de la cort europèa es que lo tribunal francés deu determinar s’en França un òme qu’a agut de relacions amb d'autres òmes es expausat a un risc elevat de patir una malautiá infecciosa grèva que se transmeta per lo sang, en prenent en compte la situacion epidemiologica de l’estat. E en França, segon las donadas, entre 2003 e 2008, gaireben totes los cases de contagion de VIU èran a causa de relacions sexualas, e la mitat de las nòvas contagions afectavan d’omosexuals. La senténcia remarca que França es l’estat d’Euròpa que presenta una màger prevalença del virus demest los gais.
Amb aquelas donadas, la justícia europèa ditz que la lei francesa “poiriá implicar una discriminacion per rason d’orientacion sexuala”, e sollicita la justícia francesa per verificar se i a de critèris d’interès general que justifiquen l’exclusion d’omosexuals coma donaires de sang. Ara, sosten tanben que, s’un estat europèu acredita que i a una situacion de risc, l’exclusion permanenta “cobrís la suposicion qu’un estat membre establisca una contradiccion permanenta per la donacion de sang dins lo cas dels òmes qu’ajan agut de relacions sexualas amb d’autres òmes”.
La senténcia respond a un cas, lo d’un ciutadan francés que li permetèron pas de donar de sang per aver agut una relacion sexuala amb un autre òme. Lo drech dins l’estat francés permet d’exclure permanentament de la donacion de sang los òmes qu’ajan de relacions amb d’autres òmes. E un tribunal d’Estrasborg demandava a la cort de l’UE s’aquela exclusion èra compatibla amb la directiva de l’UE.
La responsa de la cort europèa es que lo tribunal francés deu determinar s’en França un òme qu’a agut de relacions amb d'autres òmes es expausat a un risc elevat de patir una malautiá infecciosa grèva que se transmeta per lo sang, en prenent en compte la situacion epidemiologica de l’estat. E en França, segon las donadas, entre 2003 e 2008, gaireben totes los cases de contagion de VIU èran a causa de relacions sexualas, e la mitat de las nòvas contagions afectavan d’omosexuals. La senténcia remarca que França es l’estat d’Euròpa que presenta una màger prevalença del virus demest los gais.
Amb aquelas donadas, la justícia europèa ditz que la lei francesa “poiriá implicar una discriminacion per rason d’orientacion sexuala”, e sollicita la justícia francesa per verificar se i a de critèris d’interès general que justifiquen l’exclusion d’omosexuals coma donaires de sang. Ara, sosten tanben que, s’un estat europèu acredita que i a una situacion de risc, l’exclusion permanenta “cobrís la suposicion qu’un estat membre establisca una contradiccion permanenta per la donacion de sang dins lo cas dels òmes qu’ajan agut de relacions sexualas amb d’autres òmes”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es complètament caluc ...
Normalament, los organismes de collecta de sang se reservon lo drech d'utilizar o pas la collecta qu'es estada facha ça que la. Fan d'analisis aprèp, qué que siá, per saber se la sang collectada se pòt emplegar o pas, e se respond a un besonh. Realament, vòl dire que podètz donar la vòstra sang, mas benlèu que servirà pas, dependrà de las analisis.
Vertadièrament aquel article es estranh. De tots biaisses i a una analisi en aval per eliminar tot risc de sang contaminada, perqué voler levar un "risc" en amont ? Deuriái comprene dintre las linhas qu'ara lo collectatge se reservariá lo drech de pas gaire far d'analisis en aval ? Aquó seriá mai grèu encara !
Doncas aquó's vertadièrament de l'omofobia pura e dura (e fachista - l'estat se mescla a la vida intima dels estatjants). L'analisi de la sang en aval (qu'es la causa la mai rasonabla a far) dessepara "la sexualitat" del "don de sang" e pausa cadun a egalitat.
Vos remembri que i a gaireben 50 000 personas en frança que vivon amb lo VIH sens o saber. L'interès general seriá que cada collectatge de sang comprene un recèrca del virus, e que cadun pòde en aprofechar.
De tot biaises, son pas d'ONG que s'ocupan del collectatge dels dons de sang ? Es a eles subretot que la question se pausa, pas al nivèl de l'estat ...
Un còp quò-es los ròms que pòdon pas prene le bus 'mei los autres... Anuei quò-es los omosexuaus que pòdon pas bailar de sang... E deman, que serà? Benleau que seràn los chauves que podran pas pus anar par las charreiras!... Vívon veraiment dins un monde que fai vergonha...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari