Actualitats
L’ÒNU critica la banalizacion del discors asirós en França
“Lo principi d’egalitat es pas completament rebatut dins las realitats del país, mai que mai a causa de l’intolerància e del racisme”
Lo comitat de l’ÒNU per l’eliminacion de la discriminacion raciala (CÈRD) denoncièt dimars passat la banalizacion del discors asirós dins l’estat francés a l’esgard de las minoritats, mai que mai, dels gitanos, çò rapòrtan l’AFP e Libération.
Dins aquel sens, lo president del CÈRD, Ion Dioaconu, declarèt qu’an constatat “que lo principi d’egalitat es pas completament rebatut dins las realitats del país”, mai que mai “a causa de l’intolerància e del racisme”. De son costat, l’expèrt chinés Huang Yong’an demandèt a l’estat francés “de prene las mesuras necessàrias per inversar la tendéncia xenofòba e per garentir que los estrangièrs en França gaudiscan de la seguretat e dels autres dreches fondamentals”. Las conclusons dels 18 expèrts de l’ÒNU se publicaràn lo 15 de mai que ven.
Pasmens, los expèrts del CÈRD an saludat la presentacion per França, lo 17 d’abril passat, d’un plan de lucha contra lo racisme e l’antisemitisme: es un plan governamental que François Hollande lo prometèt en seguida dels atemptats jihadistas de genièr passat a París.
De son costat, lo govèrn francés a mes en question aquelas criticas e a assegurat que “França es un estat de drech que respècta rigorosament los dreches umans”, çò diguèt Radio France Internationale.
Dins aquel sens, lo president del CÈRD, Ion Dioaconu, declarèt qu’an constatat “que lo principi d’egalitat es pas completament rebatut dins las realitats del país”, mai que mai “a causa de l’intolerància e del racisme”. De son costat, l’expèrt chinés Huang Yong’an demandèt a l’estat francés “de prene las mesuras necessàrias per inversar la tendéncia xenofòba e per garentir que los estrangièrs en França gaudiscan de la seguretat e dels autres dreches fondamentals”. Las conclusons dels 18 expèrts de l’ÒNU se publicaràn lo 15 de mai que ven.
Pasmens, los expèrts del CÈRD an saludat la presentacion per França, lo 17 d’abril passat, d’un plan de lucha contra lo racisme e l’antisemitisme: es un plan governamental que François Hollande lo prometèt en seguida dels atemptats jihadistas de genièr passat a París.
De son costat, lo govèrn francés a mes en question aquelas criticas e a assegurat que “França es un estat de drech que respècta rigorosament los dreches umans”, çò diguèt Radio France Internationale.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un estat que respecta pas las altres culturas e lengas que lo componen, ja comet racisme, una discriminacion. Mas los governans franceses han un sentiment tan gran de pertanha a sa tribu, que estan cecs e son incapaces de veire-ho, e desprècien totas las altres tribus e cultures diferentas, es creuen que els son pas una tribu sinó que són la meravelha mai gran que existeis sus la terra. Uns pardalets !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari