Actualitats
Lo cònsol de Besièrs a fichat los escolans musulmans en foncion de lor prenom
La justícia francesa a dobèrt una enquèsta preliminara e s'es ja facha una perquisicion policièra a la comuna de Besièrs
La justícia francesa a dobèrt una enquèsta preliminara sul fichatge d’escolans segon lor religion a Besièrs. Un còp de mai, lo cònsol Robert Ménard, elegit gràcias al sosten de l’FN, provòca la polemica per sas posicions publicas dobèrtament racistas, aqueste còp en mostrant son intencion de fichar los escolans supausadament musulmans de la vila, amb un metòde pas brica rigorós: segon lor prenom.
Ièr, dimars d'aprèsmiègjorn, se faguèt una perquisicion policièra a la comuna de Besièrs. Es de soslinhar que las estatisticas etnicas son enebidas dins l’estat francés.
Diluns passat, Ménard afirmèt sus France 2, dins l’emission Mots Croisés, çò que ja aviá dich a Midi Libre en genièr passat ont afirmava que “lo 60% dels enfants de las escòlas publicas besieresas son de musulmans”. Per o saber los auriá classat per religion en foncion del prenom de l’enfant. “Los prenoms son sufisents per vos indicar l’origina. Se vos apelatz Marie, sètz pas musulman”, çò diguèt Ménard a la television diluns de ser.
De son costat, lo deputat del Partit Socialista del departament d’Erau, Sébastien Denaja, a convidat los parents a far lor denóncia, coma o disiá ièr dins una entrevista dins Libération.
Dimars de matin a Médard lo convidèron sus BFMTV per s’explicar sus l’existéncia d’aquel tipe d’estatisticas etnicas. Médard las justifiquèt en pretendent qu’el cèrca d’“ajudar los enfants”, “d’origina musulmana, maugrabina”. Médard insistissiá que la quantitat d’enfants immigrants es tròp elevada e que cal reforçar l’ensenhament del francés.
Ièr, dimars d'aprèsmiègjorn, se faguèt una perquisicion policièra a la comuna de Besièrs. Es de soslinhar que las estatisticas etnicas son enebidas dins l’estat francés.
Diluns passat, Ménard afirmèt sus France 2, dins l’emission Mots Croisés, çò que ja aviá dich a Midi Libre en genièr passat ont afirmava que “lo 60% dels enfants de las escòlas publicas besieresas son de musulmans”. Per o saber los auriá classat per religion en foncion del prenom de l’enfant. “Los prenoms son sufisents per vos indicar l’origina. Se vos apelatz Marie, sètz pas musulman”, çò diguèt Ménard a la television diluns de ser.
De son costat, lo deputat del Partit Socialista del departament d’Erau, Sébastien Denaja, a convidat los parents a far lor denóncia, coma o disiá ièr dins una entrevista dins Libération.
Dimars de matin a Médard lo convidèron sus BFMTV per s’explicar sus l’existéncia d’aquel tipe d’estatisticas etnicas. Médard las justifiquèt en pretendent qu’el cèrca d’“ajudar los enfants”, “d’origina musulmana, maugrabina”. Médard insistissiá que la quantitat d’enfants immigrants es tròp elevada e que cal reforçar l’ensenhament del francés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 E cossi creses que se fan las estatisticas non comunicadas que nos n'en parla Rebsamen ...?
Los paises alnglo-saxon n'en fan d'estatisticas etnicas, per de qué s'en faria pas aiciu ?
Aquò al pus mens limitaria los fantasmes e autres, de mai coma o dis Rebsamen aquò existis ja mas son pas comunicadas...Al cap d'un moment cal arrestar de jogar a sabem, sabem pas, mas se dis e se dis pas.
Agara que s'es per tripatolhar enquera coma las chifras del caumatge, tan val ne'n far pas... balharà mai de bren a las fobias e aquò segur qu'es pas de bon !
#1 E òc! I pas qu'a prene la lista de los que vòlon manjar haram a las cantinas per saupre qui es musulman. La diferéncia amb Ménard es que se fisa dels pichòts noms, causa que revèla que se faguèt segon de prejutjats.
#1 legir "mes de junh de 2010." e non pas 2019
Es pas de bon far aquò : pr'aquò es pas que vòli aparar aquel estequit, mas nos devèm d'una realitat esprimida per "François Rebsamen" (PS) Que desclarava dins lo "monde" al mes de junh de 2019 en responsa a una question :
Question :"XXX : Le refus des statistiques ethniques n'est-il pas de nature à nourrir les fantasmes ? N'aurait-on pas au contraire grand intérêt à disposer de chiffres clairs et precis… ?
Je ne sais pas comment répondre à cette question sans faire le lit du Front national. C'est un vrai sujet. Ces statistiques existent, en réalité, mais ne font pas l'objet de communications officielles. Elles existent y compris dans les commissions d'attribution de logements. Faudrait-il les rendre publiques ? J'en doute.
http://www.lemonde.fr/politique/article/2010/10/05/securite-le-ps-n-aura-pas-de-mal-a-etre-plus-efficace-que-la-droite_1420737_823448_2.html
Atal las estatisticas etnicas existon plan mas son pas comunicadas.
Darnièrament lo quite prumièr ministre "Valls" se prononçava per d'estatisticas etnicas (qu'existisson ja d'aprèp Rebsamen)
De notar qu'es lo meteis "Rebsamen" que desclarava i a pas plan temps que calia pas comunicar las chifras del caumatge d'aqui que fasia pujar lo "Front National"
http://www.atlantico.fr/decryptage/quand-gouvernement-considere-que-menace-fn-autorise-prendre-francais-pour-cons-christophe-bouillaud-2120510.html
Es enquera lo quite vielh prumièr Ministre Ayrault que fasia dins sa vila de Nantes enfichar totis los SDF en 2006 çò pareis...
E amb aquò de que se pòt pensar d'aquela novèla lei votada aièrc qu'autoriza lo flicatge de tot lo mond....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari