Jean Hazera es un artista occitan que viu e trabalha a Sant Vincenç d’Antejac (Bas Carcin). Son estil fòrça particular es inspirat als pintors de la Renaissença, mai que mai dels flamencs Bosch e Bruegel e de l’italian Piero di Cosimo. Dins son evolucion particulara e son biais de sentir aquel estil, Hazera desvolopa un genre fòrça particular amb una natura omnipresenta irrigada per la saba del sòmi. La coeréncia s’afirma al fil de l’òbra per l’abséncia de perspectiva, la proliferacion, l’arabesc...
 
Hazera pinta de superfícias lisas, sens cap s’asperitat, ont la doçor d’un marbre de color o las nuanças transparentas se superpausan, las linhas finas s’entrecrosan e crèan una vibracion luminosa.
 
Segon Betty Dael, se tracta d’“un pintor que s’amusa” en se definissent de la Renaissença. “D’efièch, trabalha per transparéncia e la mai minuscula superfícia de la tela es ocupada per de vegetals amb cara umana”. Dael soslinha qu’“a l’entorn de tèmas sovent empruntats als mèstres mai grands del passat, agachats sens relambi, òm finís pas jamai d’o veire tot”.